Búgin QR Parlamenti Senatynyń jalpy otyrysynda «Tsifrlyq tehnologiialardy retteý máseleleri boiynsha keibir zańnamalyq aktilerge túzetýler engizý týraly» Zańdy qabyldady, dep habarlaidy "Ult aqparat".
«Tsifrlyq tehnologiialardy retteý máseleleri boiynsha» zań jobasy Memleket basshysynyń 2019 jylǵy 2 qyrkúiektegi Joldaýyna sáikes ázirlendi. Ózderińizge belgili, Elbasynyń bastamasymen «Tsifrlyq Qazaqstan» baǵdarlamasy qabyldandy. Bul baǵdarlama 2 jyl ishinde elimizdi tsifrlandyrýdyń draiverine ainaldy. Osyǵan orai, zań jobasy tsifrlandyrý protsesin odan ári damytýǵa úlken serpin beredi. Zań jobasy, eń aldymen, tsifrlyq tehnologiialardy damytýǵa, jáne olardy qoldanýmen bailanysty qatynastardy retteýge baǵyttalǵan», - dedi qujatty senatorlarǵa tanystyrǵan QR Tsifrlyq damý, innovatsiialar, aeroǵarysh ónerkásibi ministri Asqar Jumaǵaliev.
Onyń atap ótýinshe, birinshiden, zańnamalyq deńgeide tsifrlyq aktiv, maining, token uǵymdaryn, sondai-aq blokchein tehnologiiasyn anyqtaý jáne tsifrlyq aktivti múlikke jatqyzý usynylady. Sonymen qatar, «Ziiatkerlik robot» uǵymyn aiqyndaý jáne robot iesiniń jaýapkershiligin bekitý kózdeledi.
«Ekinshiden, tsifrlandyrý nátijesinde taldaýdy qajet etetin úlken derekter qory qalyptasty. Osyǵan orai, zań jobasymen «Úlken derekterdi» taldaý mehanizmin retteý usynylady. Bul Smart Data Ukimet jobasy negizinde ekonomikalyq kórsetkishterdi taldaý arqyly tiimdi Úkimettik sheshimderdi qabyldaýǵa múmkindik beredi. 2018-2019 jyldary Smart Data Ukimet jobasy aiasynda qarjy, bilim berý, áleýmettik jáne densaýlyq saqtaý salalarynda 187 mlrd teńge shamasynda ekonomikalyq áser berdi. Atap aitsam, qarjy salasynda qosymsha túsimder, densaýlyq saqtaýda dárilik zattardy durys bólý arqyly boldy. Osyndai naqty mysaldar bilim berý, áleýmettik salalarda da ekonomikalyq áserin kórsetti. Biz bul jumysty basqa da memlekettik organdarmen jalǵastyramyz», - dedi ministr.
Ol úshinshiden, Memleket basshysy Tsifrlandyrý jónindegi otyrysta barlyq qujat ainalymyn elektrondy formatqa kóshirýdi tapsyrǵandyǵyn aitty.
«Bul máseleni sheshý úshin Tsifrlyq qujattar servisin engizý usynylady. Atalǵan servis «Mobildi úkimet» qosymshasynda kórsetiledi. Tórtinshiden, azamattardyń derbes derekterin qorǵaý memleket paryzy. Osyǵan orai, tsifrlyq tehnologiialardy engizý azamattardyń derbes derekterin qorǵaýdy talap etedi. Ol úshin derbes derekterdi qorǵaý salasyndaǵy ýákiletti organdy anyqtaý usynylady. Odan basqa, osy saladaǵy «Erikti kibersaqtandyrý» qyzmeti engiziledi. Besinshiden, qoǵamdyq quqyqtyq tártipti qamtamasyz etý maqsatynda ulttyq beinemonitoring júiesiniń erejelerin reglamentteý usynylady. Bul júieni qurý búgingi kúni «aqyldy qalalar» jobasyn iske asyrý sheńberinde tiimdilikti kórsetip otyr. Respýblikanyń barlyq aýmaǵynda beinemonitoring júiesin engizý quqyq buzýshylyqty ýaqytyly anyqtaýǵa múmkindik beredi», - dedi ol.
Ministr altynshydan, otandyq IT-kompaniialardy damytý úshin memlekettik organdar kásipkerlik qyzmetpen ainalyspaýy qajettigin aitty.
«Osyǵan orai, tsifrlyq jobalardy qurý jáne damytý úshin kvazimemlekettik sektor fýnktsiialaryn alyp tastaýdy usynamyz. Sondai-aq, venchýrlik qyzmetti yntalandyrý maqsatynda «Jeke venchýrlik investordy» aiqyndaý jónindegi normalardy engizý josparlanýda. Osylaisha, atalǵan normalardy engizý 2024 jylǵa qarai innovatsiialyq startap kompaniialar sanyn ulǵaitýǵa múmkindik beredi. Budan basqa, zań jobasymen elektrondyq ónerkásip salasyndaǵy ýákiletti organ aiqyndalady», - dedi Asqar Jumaǵaliev.
