بٷگٸن قر پارلامەنتٸ سەناتىنىڭ جالپى وتىرىسىندا «تسيفرلىق تەحنولوگييالاردى رەتتەۋ مەسەلەلەرٸ بويىنشا كەيبٸر زاڭنامالىق اكتٸلەرگە تٷزەتۋلەر ەنگٸزۋ تۋرالى» زاڭدى قابىلدادى, دەپ حابارلايدى "ۇلت اقپارات".
«تسيفرلىق تەحنولوگييالاردى رەتتەۋ مەسەلەلەرٸ بويىنشا» زاڭ جوباسى مەملەكەت باسشىسىنىڭ 2019 جىلعى 2 قىركٷيەكتەگٸ جولداۋىنا سەيكەس ەزٸرلەندٸ. ٶزدەرٸڭٸزگە بەلگٸلٸ, ەلباسىنىڭ باستاماسىمەن «تسيفرلىق قازاقستان» باعدارلاماسى قابىلداندى. بۇل باعدارلاما 2 جىل ٸشٸندە ەلٸمٸزدٸ تسيفرلاندىرۋدىڭ درايۆەرٸنە اينالدى. وسىعان وراي, زاڭ جوباسى تسيفرلاندىرۋ پروتسەسٸن ودان ەرٸ دامىتۋعا ٷلكەن سەرپٸن بەرەدٸ. زاڭ جوباسى, ەڭ الدىمەن, تسيفرلىق تەحنولوگييالاردى دامىتۋعا, جەنە ولاردى قولدانۋمەن بايلانىستى قاتىناستاردى رەتتەۋگە باعىتتالعان», - دەدٸ قۇجاتتى سەناتورلارعا تانىستىرعان قر تسيفرلىق دامۋ, يننوۆاتسييالار, اەروعارىش ٶنەركەسٸبٸ مينيسترٸ اسقار جۇماعاليەۆ.
ونىڭ اتاپ ٶتۋٸنشە, بٸرٸنشٸدەن, زاڭنامالىق دەڭگەيدە تسيفرلىق اكتيۆ, ماينينگ, توكەن ۇعىمدارىن, سونداي-اق بلوكچەين تەحنولوگيياسىن انىقتاۋ جەنە تسيفرلىق اكتيۆتٸ مٷلٸككە جاتقىزۋ ۇسىنىلادى. سونىمەن قاتار, «زيياتكەرلٸك روبوت» ۇعىمىن ايقىنداۋ جەنە روبوت يەسٸنٸڭ جاۋاپكەرشٸلٸگٸن بەكٸتۋ كٶزدەلەدٸ.
«ەكٸنشٸدەن, تسيفرلاندىرۋ نەتيجەسٸندە تالداۋدى قاجەت ەتەتٸن ٷلكەن دەرەكتەر قورى قالىپتاستى. وسىعان وراي, زاڭ جوباسىمەن «ٷلكەن دەرەكتەردٸ» تالداۋ مەحانيزمٸن رەتتەۋ ۇسىنىلادى. بۇل Smart Data Ukimet جوباسى نەگٸزٸندە ەكونوميكالىق كٶرسەتكٸشتەردٸ تالداۋ ارقىلى تيٸمدٸ ٷكٸمەتتٸك شەشٸمدەردٸ قابىلداۋعا مٷمكٸندٸك بەرەدٸ. 2018-2019 جىلدارى Smart Data Ukimet جوباسى اياسىندا قارجى, بٸلٸم بەرۋ, ەلەۋمەتتٸك جەنە دەنساۋلىق ساقتاۋ سالالارىندا 187 ملرد تەڭگە شاماسىندا ەكونوميكالىق ەسەر بەردٸ. اتاپ ايتسام, قارجى سالاسىندا قوسىمشا تٷسٸمدەر, دەنساۋلىق ساقتاۋدا دەرٸلٸك زاتتاردى دۇرىس بٶلۋ ارقىلى بولدى. وسىنداي ناقتى مىسالدار بٸلٸم بەرۋ, ەلەۋمەتتٸك سالالاردا دا ەكونوميكالىق ەسەرٸن كٶرسەتتٸ. بٸز بۇل جۇمىستى باسقا دا مەملەكەتتٸك ورگاندارمەن جالعاستىرامىز», - دەدٸ مينيستر.
ول ٷشٸنشٸدەن, مەملەكەت باسشىسى تسيفرلاندىرۋ جٶنٸندەگٸ وتىرىستا بارلىق قۇجات اينالىمىن ەلەكتروندى فورماتقا كٶشٸرۋدٸ تاپسىرعاندىعىن ايتتى.
«بۇل مەسەلەنٸ شەشۋ ٷشٸن تسيفرلىق قۇجاتتار سەرۆيسٸن ەنگٸزۋ ۇسىنىلادى. اتالعان سەرۆيس «موبيلدٸ ٷكٸمەت» قوسىمشاسىندا كٶرسەتٸلەدٸ. تٶرتٸنشٸدەن, ازاماتتاردىڭ دەربەس دەرەكتەرٸن قورعاۋ مەملەكەت پارىزى. وسىعان وراي, تسيفرلىق تەحنولوگييالاردى ەنگٸزۋ ازاماتتاردىڭ دەربەس دەرەكتەرٸن قورعاۋدى تالاپ ەتەدٸ. ول ٷشٸن دەربەس دەرەكتەردٸ قورعاۋ سالاسىنداعى ۋەكٸلەتتٸ ورگاندى انىقتاۋ ۇسىنىلادى. ودان باسقا, وسى سالاداعى «ەرٸكتٸ كيبەرساقتاندىرۋ» قىزمەتٸ ەنگٸزٸلەدٸ. بەسٸنشٸدەن, قوعامدىق قۇقىقتىق تەرتٸپتٸ قامتاماسىز ەتۋ ماقساتىندا ۇلتتىق بەينەمونيتورينگ جٷيەسٸنٸڭ ەرەجەلەرٸن رەگلامەنتتەۋ ۇسىنىلادى. بۇل جٷيەنٸ قۇرۋ بٷگٸنگٸ كٷنٸ «اقىلدى قالالار» جوباسىن ٸسكە اسىرۋ شەڭبەرٸندە تيٸمدٸلٸكتٸ كٶرسەتٸپ وتىر. رەسپۋبليكانىڭ بارلىق اۋماعىندا بەينەمونيتورينگ جٷيەسٸن ەنگٸزۋ قۇقىق بۇزۋشىلىقتى ۋاقىتىلى انىقتاۋعا مٷمكٸندٸك بەرەدٸ», - دەدٸ ول.
مينيستر التىنشىدان, وتاندىق IT-كومپانييالاردى دامىتۋ ٷشٸن مەملەكەتتٸك ورگاندار كەسٸپكەرلٸك قىزمەتپەن اينالىسپاۋى قاجەتتٸگٸن ايتتى.
«وسىعان وراي, تسيفرلىق جوبالاردى قۇرۋ جەنە دامىتۋ ٷشٸن كۆازيمەملەكەتتٸك سەكتور فۋنكتسييالارىن الىپ تاستاۋدى ۇسىنامىز. سونداي-اق, ۆەنچۋرلٸك قىزمەتتٸ ىنتالاندىرۋ ماقساتىندا «جەكە ۆەنچۋرلٸك ينۆەستوردى» ايقىنداۋ جٶنٸندەگٸ نورمالاردى ەنگٸزۋ جوسپارلانۋدا. وسىلايشا, اتالعان نورمالاردى ەنگٸزۋ 2024 جىلعا قاراي يننوۆاتسييالىق ستارتاپ كومپانييالار سانىن ۇلعايتۋعا مٷمكٸندٸك بەرەدٸ. بۇدان باسقا, زاڭ جوباسىمەن ەلەكتروندىق ٶنەركەسٸپ سالاسىنداعى ۋەكٸلەتتٸ ورگان ايقىندالادى», - دەدٸ اسقار جۇماعاليەۆ.
