QR Parlament Senaty torynbasary Bektas Beknazarov, senatorlar Nurlan Beknazarov pen Aigúl Qapbarova jumys saparymen Shymkent qalasynda júr, dep habarlaidy "Ult aqparat" qala ákiminiń resmi saityna silteme jasap.
Senat Tóraǵasynyń orynbasary sapar barysynda qala ákimi Erlan Aitahanovpen kezdesti.
Kezdesýde Parlamentpen qabyldanǵan zańdardyń mazmuny, rýhani jańǵyrý jáne ulttyq qundylyqtardy saqtaý máseleleri jóninde áńgime órbidi.
Sonymen qatar, depýtattar qalanyń 2019 jylǵy áleýmettik-ekonomikalyq damýyndaǵy negizgi qorytyndylarmen jáne biylǵy josparmen tanysty.
Qala basshysy ónerkásip pen bilim berý, densaýlyq saqtaý jáne mádeniet salalarynda atqarylǵan jumystar jaiy men megapolisti damytý baǵytyndaǵy josparlarymen bólisti.
«Memleket basshysynyń Shymkent qalasyn damytý boiynsha bergen tapsyrmasynyń negizinde qalanyń úsh jyldyq damý jospary bekitildi. Bizdiń jumysymyzdyń negizgi baǵyty - Túrkistan oblysynan qosylǵan 41 eldi mekenniń infraqurylymyn damytý. Máselen, biylǵy biýdjettiń 70 paiyzy dál osy 41 eldi mekenniń atalmysh problemalaryna baǵyttalady», - dedi Erlan Qýanyshuly.
Óz kezinde Bektas Ábdihanuly Parlamentpen qabyldanǵan zańdardy halyqqa keńinen túsindirý maqsatynda osy jyldyń 5 qańtarynan bastap óńirlerdi aralap, turǵyndarmen kezdesip júrgenin aitty.
«Ótken jyly Senat pen Májilis halyqtyń turmys sapasyn jaqsartýǵa jol ashatyn 83 zań jobasyn qabyldady. Qos palata depýtattary zańnamalyq jumysta Tuńǵysh Prezident – Elbasynyń áleýmettik strategiialyq bastamalary men Prezidenttiń halyqty qoldaýǵa arnalǵan tapsyrmalaryn negizge aldy. Eń bastysy qabyldanǵan barlyq qujat azamattardy qoldaýǵa jáne qorǵaýǵa arnaldy», - dep atap ótti Senat spikeriniń orynbasary.
Osy kúni B.Bekzanarov keibir zańnamadaǵy ózgerister men «Pedagog mártebesi týraly» QR zańyn keńinen túsindirý maqsatynda qaladaǵy bilim berý salasynyń qyzmetkerlerimen kezdesti.
Jańa zańnyń artyqshylyqtaryna toqtalǵan Senat tóraǵasynyń orynbasary qujatta muǵalimderdiń kásibi qyzmetindegi quqyqtary men mindetteri egjei-tegjeili sipattalǵanyn atap ótti.
Jumys sapary barysynda depýtattar qalanyń áleýmettik-ekonomikalyq jaǵdaiymen tanysyp, birqatar óndiristik jáne áleýmettik nysandarynda boldy.
