Foto: Senat
Parlament Senatynyń Tóraǵasy Máýlen Áshimbaev respýblikalyq referendýmǵa qatysty. Palata Spikeri Qazaqstan Respýblikasynyń Ulttyq kitaphanasynda ornalasqan №111 daýys berý ýchaskesinde óz tańdaýyn jasady.
Máýlen Áshimbaev BAQ ókilderine bergen suhbatynda respýblikalyq referendýmǵa shyǵarylǵan másele elimiz úshin strategiialyq mańyzǵa ie ekenin atap ótti. Sondai-aq mundai jalpyulttyq daýys berý úderisi «Halyq únine qulaq asatyn memleket» tujyrymdamasynyń iske asyrylýynyń jarqyn kórinisi ekeni aityldy.
Sonymen qatar Senat Tóraǵasy qazaqstandyqtardy ózderiniń konstitýtsiialyq quqyqtaryn paidalanyp, referendýmǵa belsendi qatysýǵa shaqyrdy. Máýlen Áshimbaev elimizdiń jáne keler urpaqtyń bolashaǵy jolynda árbir azamattyń daýysy mańyzdy ekenin de tilge tiek etti.
