Foto: Senat
Senat Tóraǵasy Máýlen Áshimbaev belgili qazaqstandyq ánshi, Álemdik jáne dástúrli dinder kóshbasshylary seziniń Izgi niet elshisi Dimash Qudaibergenmen kezdesti, dep habarlaidy Ult.kz.
Palata Spikeri ánshiniń óner arqyly beibitshilik pen izgilik ideialaryn nasihattaýǵa jáne halyqtar men mádenietter arasyndaǵy dialogty nyǵaitýǵa tigizip otyrǵan yqpalyna nazar aýdaryp, bul asa mańyzdy missiia ekenin aitty. Sondai-aq ol atalǵan qundylyqtar Álemdik jáne dástúrli dinder kóshbasshylary seziniń qaǵidattarymen úndes ekenin tilge etti.
«Prezidentimiz Qasym-Jomart Kemeluly Toqaev dinaralyq jáne órkenietaralyq dialog máselelerine únemi basa mán berip keledi. Qazirgi tańda búkil álem buryn-sońdy bolmaǵan jahandyq syn-qaterlermen betpe-bet kelip otyr. Osyndai jaǵdaida rýhani diplomatiianyń mańyzy burynǵydan da arta túskeni anyq. Sondyqtan beibitshilik pen dialog mádenietin dáripteý asa mańyzdy. Bul rette dini, saiasi jáne qoǵamdyq kóshbasshylardyń birlesken kúsh-jigeri airyqsha mánge ie. Osy baǵytta Álemdik jáne dástúrli dinder kóshbasshylary Seziniń Izgi niet elshileri mańyzdy ról atqarady. Siz aldaǵy ýaqytta da ózińizdiń shyǵarmashylyǵyńyzben jáne kreativti jobalaryńyzben beibitshilik pen kelisim ideialaryn halyqaralyq deńgeide ilgeriletýge zor úlesińizdi qosa beresiz dep senemin», – dep, Máýlen Áshimbaev Dimash Qudaibergenge Sezdiń Izgi niet elshisi tósbelgisin tabys etti.
Kezdesýde Álemdik jáne dástúrli dinder kóshbasshylarynyń VIII sezi men Jas dini liderlerdiń II forýmyna daiyndyq barysy, Sezd tujyrymdamasyn iske asyrý máseleleri jáne osy baǵyttaǵy birlesken jobalar talqylandy.
Aita keteiik, «Dinder dialogy: bolashaq jolyndaǵy sinergiia» taqyrybyna arnalatyn Álemdik jáne dástúrli dinder kóshbasshylarynyń VIII sezi 2025 jylǵy 17-18 qyrkúiekte Astanada ótedi.
