Senatorlar daǵdarysqa qarsy sharalarǵa bólingen qarajattyń tiimdi jumsalýyn baqylaý kerek. Bul týraly Parlament Senatynyń tóraǵasy Dariǵa Nazarbaeva málim etti, dep habarlaidy "Ult aqparat".
«Naqtylanǵan biýdjettiń jańa parametrleri Prezidenttiń Jarlyǵymen bekitilip, jariialandy. Jalpy, azamattar men biznesti qoldaýǵa baǵyttalǵan qarajattyń kólemi 6 trillionǵa jýyq teńgeni quraidy. Bul qarjy daǵdarysqa qarsy sharalardy iske asyrýǵa baǵyttalǵan, ekonomikany, shaǵyn jáne orta biznesti, aýyl sharýashylyǵy men azamattardy osy kúrdeli jaǵdaida qoldaýdy kózdeidi. Bizdiń mindetimiz – daǵdarysqa qarsy sharalarǵa bólingen qarajattyń jumsalýyn baqylaý jasaý, osy sharalar týraly halyqty habardar etý», -dedi D. Nazarbaeva Senattyń jalpy otyrysynda.
«Sondyqtan Senat komitetterine óz baǵyttary boiynsha, óńirlerden sailanǵan depýtattarǵa – óz óńirleri boiynsha, Prezident tapsyrmalarynyń oryndalýyna turaqty monitoring júrgizýdi, Úkimettiń daǵdarysqa qarsy sharalarynyń iske asyrylýyn baqylaýǵa alýdy tapsyramyn», - dedi Senat tóraǵasy.
