Senattyń jalpy otyrysynda «Táýelsiz Memleketter Dostastyǵyna qatysýshy memleketter qarýly kúshteriniń birlesken gýmanitarlyq minasyzdandyrý injenerlik bólimshesi týraly kelisimdi ratifikatsiialaý týraly» Zańy qabyldandy, dep habarlaidy QazAqparat.
Táýelsiz Memleketter Dostastyǵyna qatysýshy memleketter qarýly kúshteriniń birlesken gýmanitarlyq minasyzdandyrý injenerlik bólimshesi týraly kelisim 2020 jylǵy 18 jeltoqsanda jasaldy.
«Kelisimniń maqsaty – gýmanitarlyq minasyzdandyrý mindetin oryndaý úshin birlesken bólimsheni qurý, qoldaný, onyń mártebesin aiqyndaý. Birlesken bólimsheniń negizgi mindetteri – mina alańyn, nysandardy minanyń jarylý qaýpi bar zattardyń bolýyna tehnikalyq barlaý, sondai-aq olardy minasyzdandyrý, jaýyngerlik is-qimyl bolǵan aýdandy minadan ári jarylý qaýpi bar zattan tazartý», - dedi QR Qorǵanys ministriniń orynbasary Daryn Tuiaqov.
Onyń aitýynsha, gýmanitarlyq minasyzdandyrý operatsiialaryna qatysý úshin ulttyq injenerlik bólimsheni jiberý týraly sheshimdi jiberýshi tarap óziniń ulttyq zańnamasyna sáikes qabyldaidy.
Kelisimde Birlesken bólimsheni TMD-ǵa qatysýshy memleket bolyp sanalmaityn el aýmaǵynda gýmanitarlyq minasyzdandyrý mindetterin oryndaýǵa tartý múmkindigi kózdelgen. Qazaqstan Respýblikasy mundai baǵyt BUU Qaýipsizdik Keńesiniń mandatyna sáikes ǵana múmkin bolady dep esepteidi.
