سەناتتىڭ جالپى وتىرىسىندا «تەۋەلسٸز مەملەكەتتەر دوستاستىعىنا قاتىسۋشى مەملەكەتتەر قارۋلى كٷشتەرٸنٸڭ بٸرلەسكەن گۋمانيتارلىق ميناسىزداندىرۋ ينجەنەرلٸك بٶلٸمشەسٸ تۋرالى كەلٸسٸمدٸ راتيفيكاتسييالاۋ تۋرالى» زاڭى قابىلداندى, دەپ حابارلايدى قازاقپارات.
تەۋەلسٸز مەملەكەتتەر دوستاستىعىنا قاتىسۋشى مەملەكەتتەر قارۋلى كٷشتەرٸنٸڭ بٸرلەسكەن گۋمانيتارلىق ميناسىزداندىرۋ ينجەنەرلٸك بٶلٸمشەسٸ تۋرالى كەلٸسٸم 2020 جىلعى 18 جەلتوقساندا جاسالدى.
«كەلٸسٸمنٸڭ ماقساتى – گۋمانيتارلىق ميناسىزداندىرۋ مٸندەتٸن ورىنداۋ ٷشٸن بٸرلەسكەن بٶلٸمشەنٸ قۇرۋ, قولدانۋ, ونىڭ مەرتەبەسٸن ايقىنداۋ. بٸرلەسكەن بٶلٸمشەنٸڭ نەگٸزگٸ مٸندەتتەرٸ – مينا الاڭىن, نىسانداردى مينانىڭ جارىلۋ قاۋپٸ بار زاتتاردىڭ بولۋىنا تەحنيكالىق بارلاۋ, سونداي-اق ولاردى ميناسىزداندىرۋ, جاۋىنگەرلٸك ٸس-قيمىل بولعان اۋداندى مينادان ەرٸ جارىلۋ قاۋپٸ بار زاتتان تازارتۋ», - دەدٸ قر قورعانىس مينيسترٸنٸڭ ورىنباسارى دارىن تۇياقوۆ.
ونىڭ ايتۋىنشا, گۋمانيتارلىق ميناسىزداندىرۋ وپەراتسييالارىنا قاتىسۋ ٷشٸن ۇلتتىق ينجەنەرلٸك بٶلٸمشەنٸ جٸبەرۋ تۋرالى شەشٸمدٸ جٸبەرۋشٸ تاراپ ٶزٸنٸڭ ۇلتتىق زاڭناماسىنا سەيكەس قابىلدايدى.
كەلٸسٸمدە بٸرلەسكەن بٶلٸمشەنٸ تمد-عا قاتىسۋشى مەملەكەت بولىپ سانالمايتىن ەل اۋماعىندا گۋمانيتارلىق ميناسىزداندىرۋ مٸندەتتەرٸن ورىنداۋعا تارتۋ مٷمكٸندٸگٸ كٶزدەلگەن. قازاقستان رەسپۋبليكاسى مۇنداي باعىت بۇۇ قاۋٸپسٸزدٸك كەڭەسٸنٸڭ مانداتىنا سەيكەس عانا مٷمكٸن بولادى دەپ ەسەپتەيدٸ.
