Foto: Tengrinews.kz/Turar Qazanǵapov
Parlament Senatynyń spikeri Máýlen Áshimbaev Qazaqstannyń memlekettik qaryzy týraly aitty, - dep habarlaidy Tengrinews.kz.
Jýrnalister suraǵyna jaýap bergen Senat spikeri memlekettik qaryzdyń ósýine alańdaýshylyq bildirdi.
"Bul óte kúrdeli másele. Osy jerde burynnan jumys isteitin jýrnalister biledi, byltyr memleket qaryzy boiynsha bul máseleni kótergenbiz, onyń óskenin synaǵan edik. Sodan keiin Úkimet jaǵdaidy baqylaýǵa alýǵa ýáde berdi, qazir biýdjet aiasynda, árine, bul memlekettik qaryz máselesin taǵy da qarastyramyz", - dedi Áshimbaev Senat otyrysynda.
Budan bólek, jýrnalister senatorlar úkimetten Ulttyq qordan bólinetin qarjy kólemin azaitýdy surai ma degen saýal qoidy.
"Qazir aitý qiyn. Ony keshe ǵana Májilistegi áriptesterimiz qarady, búgin biýdjet jobasyn alýymyz kerek, ony zerdeleimiz, muqiiat qaraimyz, suraqtar týyndasa, árine, kóteremiz, Úkimet ókilderimen sóilesemiz. Qandai máseleler, naqtyraq aitsaq, ne týraly sóilesetinimiz týraly pikir aitýǵa áli erte, qujatpen kem degende bir apta jumys isteiik", - dep jaýap berdi Máýlen Áshimbaev.
Onyń aitýynsha, senatorlar biýdjetke túzetýlerdi 5 mamyrda qaraidy.
Buǵan deiin Májiliste 2022 jylǵa arnalǵan biýdjetke túzetýler bekitilgen bolatyn.
