فوتو: Tengrinews.kz/تۇرار قازانعاپوۆ
پارلامەنت سەناتىنىڭ سپيكەرٸ مەۋلەن ەشٸمباەۆ قازاقستاننىڭ مەملەكەتتٸك قارىزى تۋرالى ايتتى, - دەپ حابارلايدى Tengrinews.kz.
جۋرناليستەر سۇراعىنا جاۋاپ بەرگەن سەنات سپيكەرٸ مەملەكەتتٸك قارىزدىڭ ٶسۋٸنە الاڭداۋشىلىق بٸلدٸردٸ.
"بۇل ٶتە كٷردەلٸ مەسەلە. وسى جەردە بۇرىننان جۇمىس ٸستەيتٸن جۋرناليستەر بٸلەدٸ, بىلتىر مەملەكەت قارىزى بويىنشا بۇل مەسەلەنٸ كٶتەرگەنبٸز, ونىڭ ٶسكەنٸن سىناعان ەدٸك. سودان كەيٸن ٷكٸمەت جاعدايدى باقىلاۋعا الۋعا ۋەدە بەردٸ, قازٸر بيۋدجەت اياسىندا, ەرينە, بۇل مەملەكەتتٸك قارىز مەسەلەسٸن تاعى دا قاراستىرامىز", - دەدٸ ەشٸمباەۆ سەنات وتىرىسىندا.
بۇدان بٶلەك, جۋرناليستەر سەناتورلار ٷكٸمەتتەن ۇلتتىق قوردان بٶلٸنەتٸن قارجى كٶلەمٸن ازايتۋدى سۇراي ما دەگەن ساۋال قويدى.
"قازٸر ايتۋ قيىن. ونى كەشە عانا مەجٸلٸستەگٸ ەرٸپتەستەرٸمٸز قارادى, بٷگٸن بيۋدجەت جوباسىن الۋىمىز كەرەك, ونى زەردەلەيمٸز, مۇقييات قارايمىز, سۇراقتار تۋىنداسا, ەرينە, كٶتەرەمٸز, ٷكٸمەت ٶكٸلدەرٸمەن سٶيلەسەمٸز. قانداي مەسەلەلەر, ناقتىراق ايتساق, نە تۋرالى سٶيلەسەتٸنٸمٸز تۋرالى پٸكٸر ايتۋعا ەلٸ ەرتە, قۇجاتپەن كەم دەگەندە بٸر اپتا جۇمىس ٸستەيٸك", - دەپ جاۋاپ بەردٸ مەۋلەن ەشٸمباەۆ.
ونىڭ ايتۋىنشا, سەناتورلار بيۋدجەتكە تٷزەتۋلەردٸ 5 مامىردا قارايدى.
بۇعان دەيٸن مەجٸلٸستە 2022 جىلعا ارنالعان بيۋدجەتكە تٷزەتۋلەر بەكٸتٸلگەن بولاتىن.
