Jazǵy demalystyń ýaqyty jaqyndap keledi. Al jergilikti sailaý komissiialary qyzý jumysqa kirisip ketti. Jaqynda Senat depýtattarynyń sailaýy ótedi. 31 tamyz kúni 2011 jyly sailanǵan senatorlardyń ókilettik merzimi aiaqtalady. Osylaisha, 28 maýsym kúni elimizdiń joǵarǵy zań shyǵarýshy organynyń joǵarǵy palatasyna ár óńirden bir depýtat sailanady. QazAqparat agenttigi depýtattyqqa kandidattar boiynsha sholýdy usyndy. Atap ótken jón, olardyń sany áli naqtylana qoiǵan joq, sebebi kandidattardy usyný 28 mamyrǵa deiin jalǵasady. Al kandidattardy tirkeý 7 maýsymǵa deiin júrgiziledi.
Úsh shyǵysqazaqstandyq Qazaqstan Respýblikasy Parlamentiniń Senatyna depýtattyqqa úmitker kýáligin aldy. 10 mamyrǵa deiin barlyǵy tórt adam Shyǵys Qazaqstan oblysynyń aýmaqtyq sailaý komissiiasyna ótinim bergen.
Shyǵysqazaqstandyq sailaýshylar biyl ókilettik merzimi aiaqtalatyn Talǵat Abaidildinniń ornyna jańa senatordy sailaýy qajet. Ázirge tórt adam óz kandidatýralaryn usynyp úlgerdi, olar: ShQO ákiminiń orynbasary Dúisenǵazy Mýsin, Glýbokoe aýdandyq máslihatynyń hatshysy Ákimǵazy Baimoldinov, Sáýlet-qurylys baqylaý jáne litsenziialaý basqarmasynyń basshysy Dimitrii Garikov jáne Glýbokoe aýdanyndaǵy sharýashylyq qojalyǵynyń basshysy Liýdmila Tsybenko.
ShQO oblystyq sailaý komissiiasynyń tóraǵasy Ersaiyn Nábievtiń habarlaýynsha, Senat depýtattyǵyna sailanǵysy keletin óńirdiń tórt turǵynynan ótinim kelip túsken. Usynylǵan tulǵalardyń Konstitýtsiia talaptary men Qazaqstan zańnamalaryna sáikestigin tekserip, barlyq qajetti qujattardy alǵan soń komissiia músheleri úsh adamdy - Mýsin, Baimoldinov jáne Garikovty depýtattyqqa úmitker retinde tirkedi.
5 mamyr kúni Atyraý oblystyq máslihatynyń kezekten tys 12-shi sessiiasynda QR Parlamenti Senatyna depýtattyqqa kandidat usyný máselesi qaraldy. Oǵan oblys ákiminiń birinshi orynbasary Ǵumar Dúisenbaevty usyný týraly sheshim biraýyzdan qabyldandy.
Senattaǵy depýtattyq merzimin aiaqtaityndar arasynda Atyraý oblysynyń halyq qalaýlysy Qairat Ishanov bar.
Qaraǵandy oblysynan Parlament Senatynyń oryntaǵyna úsh kandidat úmitker atandy. Qaraǵandy oblysyndaǵy sailaý komissiiasynyń derekterine sáikes, oblystyq máslihat hatshysy Rysqali Ábdikerov kandidat retinde tirkelgen. Ekinshi úmitker - oblystyq UOS ardagerlerine meditsinalyq kómek kórsetý ortalyǵynyń direktory Ilgizar Ahmadishin. Úshinshi úmitker - Qaraǵandy memlekettik tehnikalyq ýniversitetiniń birinshi prorektory.
«Kandidat retinde tirkelgisi kelgender az emes. Olar 7 maýsymǵa deiin óz múmkindikterin synap kóre alady», - dep eske saldy oblystyq sailaý komissiiasynyń hatshysy Natalia Batalova.
Aqtóbe oblysynan Parlament Senatyna depýtattyqqa «Aqtóbe ÁKK» AQ basqarma tóraǵasynyń birinshi orynbasary Mamyrǵali Aqqaǵazov jáne Aqtóbe oblysy boiynsha «Azyq-túlik kelisimshart korporatsiiasy» AQ ókildiginiń direktory, 1975 jyly týǵan Ádilbek Diljanov óz qandidatýralaryn usyndy.
Al Oiyl, Qobda jáne Hromtaý aýdandyq máslihattary oblys ákiminiń orynbasary, 1956 jyly týǵan Muhtar Jumaǵazievti usyndy.
Mańǵystaý oblysynda Senat depýtatyna kandidattyqqa ázirge 5 adam usynyldy.
«Olar - Mańǵystaý oblysy ekonomika jáne biýdjettik josparlaý basqarmasynyń basshysy mindetin atqarýshy, 1957 jyly týǵan Halila Nurǵalieva, Mańǵystaý oblysy jastar saiasaty máseleleri jónindegi basqarma basshysy 1981 jyly týǵan Amanǵali Nurdáýletov, «Nur Otan» partiiasynyń Mańǵystaý oblystyq filialy tóraǵasynyń birinshi orynbasary 1967 jyly týǵan Nýri Týmyshev, «Ózenmunaigaz» AQ bas direktory, 1971 jyly týǵan Dáýletjan Hasanov», - dep baiandady Mańǵystaý oblystyq sailaý komissiiasynyń tóraǵasy Esen Kúmisqali.
Sondai-aq, úmitkerler arasynda Senat depýtaty, 1959 jyly týǵan Baqtybai Shelpekov bar.
«Sońǵy kandidatty Beineý jáne Qaraqiia aýdandarynyń máslihattary usyndy», - dep tolyqtyrdy ol. Barlyq kandidattar Aqtaý qalasynda turady jáne «Nur Otan» partiiasynyń músheleri bolyp tabylady.
Pavlodar oblysynan Lebiaji aýdanynyń óner mektebiniń direktory 1954 jyly týǵan Qanat Áltaev, oblys ákimi apparatynyń bas inspektory Qabjan Edilbai, Pavlodar qalasynyń jumyspen qamtý jáne áleýmettik baǵdarlamalar bóliminiń basshysy, 1962 jyly týǵan Qairat Nurmaǵambetov senator bolýǵa bel býyp otyr. Sondai-aq, tizimde UQK qyzmetkeri, 1957 jyly týǵan Nurjan Nursipatov bar.
Batys Qazaqstan oblysynda ázirge 3 úmitker bar. BQO sailaý komissiiasy tóraǵasynyń orynbasary Viacheslav Inochkinniń aitýynsha, olar - Oral qalasynyń ákimi Nariman Tóreǵaliev, «Avtokombinat» JShS direktory Valerii Goloýhov jáne Oral qalasy Qurmanǵazy atyndaǵy mýzykalyq kolledjdiń direktory Nurjan Sertekov.
Ońtústik Qazaqstan oblysynda 5 adam sailaýǵa túsýge ótinim bergen. Bul qalalyq máslihat hatshysy, 1970 jyly týǵan Amantai Baitanaev, «Standart Tsement» JShS bas injeneri, 1966 jyly týǵan Seiitjappar Esjanov, Qazyǵurt aýdandyq máslihatynyń hatshysy, 1959 jyly týǵan Órisbai Kópeev jáne «Nur Otan» partiiasy OQO filialy tóraǵasynyń birinshi orynbasary Álimjan Qurtaev pen oblystyq mádeniet basqarmasy basshysynyń orynbasary Asylhan Temirhan.
Jambyl oblysynda «Taraz» fýtbol klýbynyń direktory Mahambet Dúisembaev, oblys ákiminiń orynbasary Abdaly Nuraliev, qaita daiarlaý jáne memlekettik qyzmetshilerdiń biliktiligin kóterý ortalyǵynyń direktory Dúisenbek Ábdiraiymov, M.H.Dýlati atyndaǵy Taraz memlekettik ýniversitetiniń birinshi prorektory Asqar Ábdýaly jáne «QTJ UK Lýgovoi relstik-dánekerleý kásiporny» AQ filialynyń direktory Qairat Terlikbaev depýtattyqqa úmitker atandy.
Qostanai oblysyndaǵy sailaýǵa agrarlyq máseleler, tabiǵatty qoldaný jáne aýyl aýmaqtaryn damytý komitetiniń hatshysy Jeńis Nurǵaliev qatysady.
Odan bólek, Qostanai áleýmettik-tehnikalyq ýniversiteti ekonomika jáne quqyq ǴZI direktory Sergei Jalybin, Qostanai oblysy ákimdigi din isteri basqarmasynyń basshysy Janbolat Úmbetov, «Atameken-Dos» JShS direktory Asqar Jabaev, A.BAitursynov atyndaǵy Qostanai memlekettik ýniversitetiniń ǵylymi jumys boiynsha prorektory Jeńis Jarylǵasov halyq qalaýlylary bolýǵa niet bildirdi.
Almaty qalasynda Qazaq qyzdar memlekettik ýniversitetiniń rektory Dinar Núketaeva, «Elitstroi Almaty» JShS bas direktory Aleksei Balaganskii, «Stamp services» JShS bas direktory Bekzat Shýaqov, «Kontsern Bakarassov» JShS bas direktory Elena Bakarasova, «Almatyinjstroi» AQ bas direktory Ashat Shilikbaev úmitker bolyp tirkelgen.
Astanada 3 úmitker bar. Olar - «Nur Otan» partiiasynyń Astana qalalyq filialy tóraǵasynyń birinshi orynbasary, «Nur Otan» partiiasynyń múshesi, 1964 jyly týǵan Edil Mamytbekov, «»Astana kásipkerleriniń quqyqtaryn qorǵaý qaýymdastyǵy» zańdy tulǵalar birlestiginiń atqarýshy direktory, 1956 jyly týǵan Nadejda Merva, Astana qalasy ákim apparatynyń memlekettik-quqyqtyq bóliminiń bas mamany, «Nur Otan» partiiasynyń múshesi Damir Nurpeiisov.
Soltústik Qazaqstan oblysynda QR Parlamenti Senatyna depýtattyqqa 4 adam óz kandidatýrasyn usyndy. Olar - «Soltústik» ÁKK UK» AQ basqarma tóraǵasy, «Nur Otan» partiiasynyń múshesi Esjan Orazalin, Soltústik Qazaqstan oblysy ákimdiginiń jer inspektsiiasy basqarmasynyń basshysy Meiram Meńdibaev, «Vishnevskoe» JShS direktory, «Nur Otan» partiiasynyń múshesi Pavel Rafalskii, «Zagradovskoe» JShS direktory, Nur Otan» partiiasynyń múshesi Ivan Fisenko.
Qyzylorda oblysynan QR Senatynyń qazirgi shaqyrtylymynyń depýtaty, 1957 jyly týǵan Murat Baqtiiaruly, oblystyq densaýlyq saqtaý basqarmasynyń jetekshisi, 1971 jyly týǵan Aqmaral Álnazarova jáne Syrdariia aýdandyq máslihatynyń hatshysy, 1969 jyly týǵan Erjan Ájikenov tirkeldi.
Aqmola oblysynda oblys ákiminiń birinshi orynbasary, 1956 jyly týǵan Dáýren Ádilbekov, «Esil» ÁKK UK AQ basqarma tóraǵasynyń orynbasary, 1986 jyly týǵan Damir Doshojin, Aqmola oblysy boiynsha reviziialyq komissiia tóraǵasy, 1978 jyly týǵan Mereke Mustafin sailaýǵa túsýge nietti. Sonymen birge, tizimde qalalyq emhananyń bas dárigeri, 1964 jyly týǵan Ǵaliia Sabataeva, «Samuryq-Jer qoinaýy» JShS basshysy, 1983 jyly týǵan Aleksandr Teslia bar.
Almaty oblysynda Eskeldi aýdany ákiminiń orynbasary, 1982 jyly týǵan Qanat Esdáýletov, Eskeldi aýdanynyń ákimi, 1971 jyly týǵan Nurlan Qylyshbaev jáne Almaty oblysy jumyspen qamtýdy úilestirý jáne áleýmettik baǵdarlamalar basqarmasynyń basshysy, 1977 jyly týǵan Erkebulan Ómirzaqov sailaýǵa túsýge ótinim bergen.
