QR Parlamenti Senatynyń plenarlyq otyrysynda palata depýtattary «Qazaqstan Respýblikasynyń Úkimeti men Qyrǵyz Respýblikasynyń Úkimeti arasyndaǵy eýraziialyq ekonomikalyq yqpaldastyq jaǵdaiynda ekonomikalyq áriptestikti damytý kelisimin ratifikatsiialaý týraly» zań jobasyn maquldady, dep habarlaidy QazAqparat.
«Osy sharttar 2016 jyly 26 jeltoqsanda Qazaqstan Respýblikasynyń Úkimeti men Qyrǵyz Respýblikasynyń Úkimeti arasyndaǵy eýraziialyq ekonomikalyq integratsiia jaǵdaiynda ekonomikalyq yntymaqtastyqty damytý týraly kelisimmen bekitilgen. Ol boiynsha Qyrǵyzstanǵa $100 mln. kómek bólý qarastyrylǵan», - dedi QR Ulttyq ekkonomika ministri Timýr Súleimenov.
Kelisimniń 2 jáne 3-baptaryn iske asyrý úshin Kómek kórsetý tártibi men Tehnikalyq járdem kórsetý is-sharalar tizbesi (shyǵyndar smetasy) ázirlendi. Tártipke sáikes, kómek birneshe transhtarmen beriledi. Atalmysh kómek Qyrǵyzstannyń Eýraziialyq ekonomikalyq odaqqa qosylýy boiynsha «Jol kartasynyń» is-sharalaryn júzege asyrý úshin bólinip otyr.
Onyń sózinshe, «Jol kartasy» boiynsha Qyrǵyzstan men Eýraziialyq ekonomikalyq odaq arasynda ornalasqan shekara beketteri jańartylyp, Qyrǵyz Respýblikasynyń sanitarlyq, fitosanitarlyq jáne veterinarlyq júielerin EAEO talaptaryna sáikestendirý kózdelip otyr.
Qarjylai kómek kezeń-kezeńmen bólinedi. Kelisimde kómek retinde bólingen qarajattyń tiisti jumsalýyn qadaǵalaýǵa baǵyttalǵan arnaiy xattama qabyldaý da qarastyrylǵan.
