QR Parlamenti Senatynyń Biýro músheleri aǵymdaǵy jyldyń 1 sáýirinde ótetin Palata otyrysynyń kún tártibin bekitti, dep habarlaidy "Ult aqparat" joǵary palatanyń baspasóz qyzmetine siltememen.
Depýtattar TMD-ǵa qatysýshy memleketterdiń bas bostandyǵynan aiyrýmen bailanysty emes jazalardy oryndaýdy berý týraly konventsiiany ratifikatsiialaýdy qaraityn boldy.
Memleketaralyq standarttaý jónindegi qujattardy taratý týraly kelisimdi ratifikatsiialaý týraly zań jobasy da otyrystyń kún tártibine engizildi. Ony qabyldaý memleketaralyq standarttaý jónindegi qujattardy taratýdyń biryńǵai erejeleri men rásimderin bekitýge múmkindik beredi.
Depýtattar Senat otyrysynda «Eýraziialyq ekonomikalyq odaq sheńberinde baǵaly metaldarmen jáne asyl tastarmen operatsiialardy júzege asyrý erekshelikteri týraly kelisimdi ratifikatsiialaý týraly» zań jobasyn da qaraidy. EAEO aýmaǵynda baǵaly metaldar men asyl tastardyń erkin ainalymyn qamtamasyz etý úshin jaǵdai jasaý osy jumystyń nátijesi bolady.
