Parlament Senatynyń «Qazaqstan Respýblikasynyń keibir zańnamalyq aktilerine reiderlikke qarsy kúresti kúsheitý, kásipkerlik qyzmetti memlekettik organdar men laýazymdy adamdardyń zańsyz aralasýynan qorǵaý jáne baǵaly metaldardyń zańsyz ainalymyna kedergi keltiretin sharalardy kúsheitý máseleleri boiynsha ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaidy QazAqparat.
Zań jobasyna Qazaqstan Respýblikasy Parlamentiniń depýtattary bastamashylyq jasady.
Qujattyń negizgi mindeti - Qylmystyq, Qylmystyq-protsestik kodeksterge, «Prokýratýra týraly» jáne «Baǵaly metaldar men asyl tastar týraly» zańdarǵa ózgerister men tolyqtyrýlar engizý.
Tutastai alǵanda, zań jobasynyń normalary azamattardyń quqyqtaryn qorǵaýdy arttyrýǵa, prokýratýra qadaǵalaýyn kásipkerler problemalaryn tiimdi sheshýge qaita baǵyttaýǵa, kásipkerlik qyzmetke zańsyz aralasýdan kepildikterdi kúsheitýge, sondai-aq baǵaly metaldardyń zańsyz ainalymyna qarsy kúreske múmkindik beredi.
«Bul Zań Memleket basshysynyń Joldaýynda aitylǵan tapsyrmalardy oryndaý maqsatymen qabyldanyp otyr. Soǵan sáikes, kásipkerlermizdi reiderlikten jáne quqyq qorǵaý men baqylaýshy organdardyń zańsyz is-áreketterinen qorǵaý úshin qosymsha júieli sharalar qabyldandy. Qabyldanǵan túzetýler aldaǵy ýaqytta kásipkerlikti yntalandyrýǵa jáne ony qorǵaý men qoldaýdy qamtamasyz etýge arnalǵan qosymsha quqyqtyq negizder qalyptastyrady», - dedi Senat tóraǵasy Máýlen Áshimbaev.
