پارلامەنت سەناتىنىڭ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە رەيدەرلٸككە قارسى كٷرەستٸ كٷشەيتۋ, كەسٸپكەرلٸك قىزمەتتٸ مەملەكەتتٸك ورگاندار مەن لاۋازىمدى ادامداردىڭ زاڭسىز ارالاسۋىنان قورعاۋ جەنە باعالى مەتالداردىڭ زاڭسىز اينالىمىنا كەدەرگٸ كەلتٸرەتٸن شارالاردى كٷشەيتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى قازاقپارات.
زاڭ جوباسىنا قازاقستان رەسپۋبليكاسى پارلامەنتٸنٸڭ دەپۋتاتتارى باستاماشىلىق جاسادى.
قۇجاتتىڭ نەگٸزگٸ مٸندەتٸ - قىلمىستىق, قىلمىستىق-پروتسەستٸك كودەكستەرگە, «پروكۋراتۋرا تۋرالى» جەنە «باعالى مەتالدار مەن اسىل تاستار تۋرالى» زاڭدارعا ٶزگەرٸستەر مەن تولىقتىرۋلار ەنگٸزۋ.
تۇتاستاي العاندا, زاڭ جوباسىنىڭ نورمالارى ازاماتتاردىڭ قۇقىقتارىن قورعاۋدى ارتتىرۋعا, پروكۋراتۋرا قاداعالاۋىن كەسٸپكەرلەر پروبلەمالارىن تيٸمدٸ شەشۋگە قايتا باعىتتاۋعا, كەسٸپكەرلٸك قىزمەتكە زاڭسىز ارالاسۋدان كەپٸلدٸكتەردٸ كٷشەيتۋگە, سونداي-اق باعالى مەتالداردىڭ زاڭسىز اينالىمىنا قارسى كٷرەسكە مٷمكٸندٸك بەرەدٸ.
«بۇل زاڭ مەملەكەت باسشىسىنىڭ جولداۋىندا ايتىلعان تاپسىرمالاردى ورىنداۋ ماقساتىمەن قابىلدانىپ وتىر. سوعان سەيكەس, كەسٸپكەرلەرمٸزدٸ رەيدەرلٸكتەن جەنە قۇقىق قورعاۋ مەن باقىلاۋشى ورگانداردىڭ زاڭسىز ٸس-ەرەكەتتەرٸنەن قورعاۋ ٷشٸن قوسىمشا جٷيەلٸ شارالار قابىلداندى. قابىلدانعان تٷزەتۋلەر الداعى ۋاقىتتا كەسٸپكەرلٸكتٸ ىنتالاندىرۋعا جەنە ونى قورعاۋ مەن قولداۋدى قامتاماسىز ەتۋگە ارنالعان قوسىمشا قۇقىقتىق نەگٸزدەر قالىپتاستىرادى», - دەدٸ سەنات تٶراعاسى مەۋلەن ەشٸمباەۆ.
