Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine jańartylatyn energiia kózderin paidalanýdy qoldaý jáne elektr energetikasy máseleleri boiynsha ózgerister men tolyqtyrýlar engizý týraly» Zańy qabyldandy, dep habarlaidy QazAqparat.
Zań jobasy Parlament depýtattarynyń bastamashylyǵymen ázirlendi. Atalǵan qujat boiynsha baiandama jasaǵan Parlamenti Májilisiniń depýtaty Shavhat Ótemisov onyń negizgi tujyrymdamalyq jańalyqtaryn túsindirdi.
«Qazirgi kezde elimizde elektr qýatynyń profitsiti bar, ol 2019 jyldyń qorytyndysymen shamamen 3000 MVt quraidy. Sonymen qatar, qazirgi ýaqytta manevrlik qýattar tapshylyǵy baiqalady. Táýliktiń keshki ýaqytynda joǵarylaýyna jáne túngi ýaqyttarda tómendeýine bailanysty elektr energiiasyn birkelki tutynbaý elektr stantsiialarynyń jedel aýyspaly jumysyn talap etedi.
Osyǵan bailanysty zań jobasynda generatsiianyń manevrlik rejimi bar qýattardy salý úshin tartymdy jaǵdailar jasaý usynylady. Bul óz múmkindikteriniń esebinen óndiris-tutyný teńgerimsizdikterin retteýdi júzege asyrýǵa múmkindik beredi. Jobalardy irikteýdiń aýktsiondyq tetigi qoldanylatyn bolady», - dedi Sh. Ótemisov.
Usynylyp otyrǵan zań jobasynda áleýetti investorlardy yntalandyratyn kelesi normalar bar:
Birinshiden, aýktsiondyq saýda-sattyq jeńimpazy biryńǵai satyp alýshymen (qarjy-esep aiyrysý ortalyǵy) 15 jyldyq kelisimshart jasasady. Ekinshiden, bul investordan atalǵan qyzmet kepildi túrde satyp alynatynyn bildiredi. Úshinshiden, elektr stantsiiasynyń qýatyn retteý qyzmeti úshin qosymsha tabys alynady. Tórtinshiden, aýktsiondyq saýda-sattyq irikteý tetiginiń ashyqtyǵyn qamtamasyz etetin bolady, bul investor úshin de óte tartymdy. Besinshiden, ákimdikter jer telimin ózderi usynyp, stantsiiany júiege qosýdy qamtamasyz etedi.
«Usynylyp otyrǵan sharalar iske asyrylǵan jaǵdaida Qazaqstannyń elektr energetikasy júiesiniń syrtqy kózderge táýeldiligi tómendeidi. Sonymen qatar, retteý boiynsha kórsetiletin qyzmet úshin búgingi tańda Reseige ketip jatqan qarjy qarajaty elimizde qalady. Al bul jyl saiyn shamamen 10-12 mlrd teńge», - dedi Májilis depýtaty.
Onyń aitýynsha, ekinshi tujyrymdamalyq jańalyq jańartylatyn energiia kózderin qoldaýǵa «ótpeli tarifti» belgileýge bailanysty.
«Qoldanystaǵy «Elektr energetikasy týraly» Zańǵa sáikes, jańartylatyn energiia kózderi óndirgen elektr energiiasyn «KEGOK» AQ-ǵa qaraityn qarjy-esep aiyrysý ortalyǵynan satyp alýǵa jumsalatyn shyǵyndar dástúrli stantsiialardyń elektr energiiasyna arnalǵan shekti tarifterge qosylǵan.
Jańartylatyn energiia kózderiniń elektr energiiasy kóleminiń jyl saiyn ulǵaiýyn eskere otyryp, energiia óndirýshi uiymdardyń ózindik damýǵa baǵyttaityn qarajat kóleminiń turaqty tómendeýi oryn alýda. Bul materialdyq-tehnikalyq bazanyń jai-kúiine, óndiristik qýattardy jańǵyrtýǵa, dástúrli stantsiialardyń qarjylyq jaǵdaiyna teris áser etedi. Osyǵan bailanysty, zań jobasynda «jańartylatyn energiia kózderin paidalanýdy qoldaýǵa arnalǵan ústemeaqy» uǵymy kózdelgen, ol shekti tariften tys eskeriletin bolady», - dedi Sh. Ótemisov.
