Búgin Parlament Senatynyń jalpy otyrysynda «2014 jylǵy 29 mamyrdaǵy Eýraziialyq ekonomikalyq odaq týraly shartqa ózgerister engizý týraly hattamany ratifikatsiialaý týraly» Zańy qabyldandy, dep habarlaidy QazAqparat.
«Hattama EAEO-nyń qoldanystaǵy quqyǵyndaǵy olqylyqtardy joiýdy, sondai-aq Sharttyń jekelegen erejelerin naqtylaýǵa arnalǵan túzetýlerdi kózdeidi. Atalǵan túzetýler negizgi úsh bloktan turady. Birinshiden, básekelestik salasyndaǵy ózgerister. Bul transshekaralyq naryqtardaǵy básekelestiktiń jalpy qaǵidalarynyń buzylýyna jol bermeý úshin eskertý berýdi jáne aldyn ala eskertý shyǵarýdy qarastyrady», - dedi QR Saýda jáne integratsiia ministri Baqyt Sultanov.
Ózgeristerdiń ekinshi blogy Eýraziialyq ekonomikalyq komissiiaǵa energetika, tehnikalyq retteý, makroekonomika, básekelestik jáne veterinariia salalarynda qosymsha ókilettikter berýdi kózdeidi.
Bul ókilettikter Eýraziialyq ekonomikalyq odaq aiasynda qol qoiylǵan halyqaralyq sharttardyń, onyń ishinde Eýraziialyq ekonomikalyq odaq týraly sharttyń saldary bolyp sanalady. Jalpy, qosymsha ókilettikter Komissiia qyzmetiniń ashyqtyǵyn qamtamasyz etýge baǵyttalǵan. Mysaly, Tehnikalyq retteý salasynda Komissiia Keńesine múshe memleketterdi akkreditteý jónindegi organdardyń ózara salystyrmaly baǵalaýdy júzege asyrý tártibin bekitý boiynsha ókilettikter beriledi.
Sondai-aq, Komissiianyń ókilettikteri Shartta kózdelgen, biraq olardy iske asyrý tártibi rettelmegen jaǵdailar boiynsha qoldanystaǵy normalardy naqtylaýǵa baǵyttalǵan túzetýler de bar.
«Úshinshiden, tehnikalyq túzetýler eskerilgen. Eýraziialyq ekonomikalyq odaq aiasynda taraptardyń turaqty praktikalyq ózara is-qimyly normalardy neǵurlym tolyq jáne durys qoldaný maqsatynda Sharttyń jekelegen bólikterin túzetý qajettigin anyqtady. Bul negizinen olqylyqtardy joiýǵa jáne Eýraziialyq ekonomikalyq odaq týraly shart erejeleriniń redaktsiiasyn naqtylaýǵa baǵyttalǵan tehnikalyq sipattaǵy túzetýler», - dedi ministr.
