Sýret ashyq derekkózden alyndy
Búgin 2023 jyldyń 14 qańtarynda ótetin Senat depýtattarynyń kezekti sailaýy boiynsha Qazaqstan Respýblikasy Ortalyq sailaý komissiiasynyń otyrysy ótti, dep habarlaidy OSK baspasóz qyzmeti.
Onda mynadai máseleler qaraldy:
1. "Qazaqstan Respýblikasy Parlamenti Senatynyń depýtattyǵyna kandidattardy usyný qorytyndylary týraly";
2. "Qazaqstan Respýblikasy Parlamenti Senatynyń depýtattyǵyna kandidattardyń respýblikalyq biýdjet qarajatynan jabylatyn shyǵystarynyń mólsherin belgileý týraly".
"Birinshi másele boiynsha oblystardyń, Astana, Almaty jáne Shymkent qalalarynyń aýmaqtyq sailaý komissiialary óńirler boiynsha Qazaqstan Respýblikasy Parlamenti Senatynyń depýtattyǵyna kandidattardy usyný qorytyndylary týraly baiandady.
Ortsailaýkom tóraǵasynyń mindetin atqarýshy Konstantin Petrov biyl 29 qarashadan 14 jeltoqsanǵa deiin Respýblika boiynsha joǵarǵy palatanyń 20 ornyna 130 kandidat usynylǵanyn atap ótti. Salystyrmaly túrde alatyn bolsaq, 2020 jyly Senattyń kezekti sailaýyna 94 kandidat, 2017 jyly – 89 kandidat, 2014 jyly – 88, 2011 jyly 96 kandidat usynylǵan bolatyn. Osylaisha, kandidattardyń básekelestik úrdisi saqtalyp otyr. Ortasha eseppen bir mandatqa 6 adamnan asa úmitkerden keledi" - delingen habarlamada.
Óńirler arasynda eń kóp kandidat Abai, Batys Qazaqstan, Qyzylorda oblystarynda – 8, Almaty men Astana qalalarynda – 10 adamnan usynylǵan. Eń azy – 5 úmitkerden Aqmola, Aqtóbe, Almaty, Shyǵys Qazaqstan, Jambyl, Qostanai, Pavlodar, Soltústik Qazaqstan oblystarynda jáne 6 úmitker Shymkent qalasynda usynylǵan.
Kandidattar arasynda 97,7 paiyz (127) ózin-ózi usynýshylar, al 2,3 paiyzyn (3) máslihattar usynǵan. Úmitkerlerdiń ortasha jasy 50,5-ti qurap otyr. Eń jas úmitker – 30 jasta, úmitkerler arasyndaǵy eń eresegi – 74 jasta.
Usynylǵan úmitkerlerdiń ishinde 33 áiel bar. Al ótken sailaýda, iaǵni 2020 jyly – 19, 2017 jyly – 13, 2014 – 5 áiel úmitker bolǵan.
Mamandyqtary boiynsha atap óter bolsaq: 22 injener, 21 ekonomist, 21 pedagog, 18 zańger, 15 agrarlyq sala qyzmetkeri, 5 dáriger, 2 jýrnalist, 3 saiasattanýshy jáne 23 basqa mamandyq ieleri.
"Kandidattar arasynda 36 kommertsiialyq qurylymdardyń qyzmetkeri; 27 memlekettik uiymdardyń, kásiporyndar men mekemelerdiń qyzmetkeri; 48 memlekettik qyzmetshi, 9 qoǵamdyq uiymdardyń ókilderi, 2 zeinetker jáne 3 jumyssyz úmitker bar.
Qazirgi ýaqytta Parlament Senatynyń depýtattyǵyna kandidattardy tirkeý protsesi júrip jatyr, ol 24 jeltoqsanǵa deiin jalǵasady. Búgingi kúni sailaý komissiialary 49 kandidat tirkedi" - delingen habarlamada.
Sóz sońynda Konstantin Petrov Parlament Senatynyń depýtattyǵyna kandidattardy tirkeý qorytyndylary Ortalyq sailaý komissiiasynyń jeke otyrysynda qaralatynyn atap ótti.
