سۋرەت اشىق دەرەككٶزدەن الىندى
بٷگٸن 2023 جىلدىڭ 14 قاڭتارىندا ٶتەتٸن سەنات دەپۋتاتتارىنىڭ كەزەكتٸ سايلاۋى بويىنشا قازاقستان رەسپۋبليكاسى ورتالىق سايلاۋ كوميسسيياسىنىڭ وتىرىسى ٶتتٸ, دەپ حابارلايدى وسك باسپاسٶز قىزمەتٸ.
وندا مىناداي مەسەلەلەر قارالدى:
1. "قازاقستان رەسپۋبليكاسى پارلامەنتٸ سەناتىنىڭ دەپۋتاتتىعىنا كانديداتتاردى ۇسىنۋ قورىتىندىلارى تۋرالى";
2. "قازاقستان رەسپۋبليكاسى پارلامەنتٸ سەناتىنىڭ دەپۋتاتتىعىنا كانديداتتاردىڭ رەسپۋبليكالىق بيۋدجەت قاراجاتىنان جابىلاتىن شىعىستارىنىڭ مٶلشەرٸن بەلگٸلەۋ تۋرالى".
"بٸرٸنشٸ مەسەلە بويىنشا وبلىستاردىڭ, استانا, الماتى جەنە شىمكەنت قالالارىنىڭ اۋماقتىق سايلاۋ كوميسسييالارى ٶڭٸرلەر بويىنشا قازاقستان رەسپۋبليكاسى پارلامەنتٸ سەناتىنىڭ دەپۋتاتتىعىنا كانديداتتاردى ۇسىنۋ قورىتىندىلارى تۋرالى باياندادى.
ورتسايلاۋكوم تٶراعاسىنىڭ مٸندەتٸن اتقارۋشى كونستانتين پەتروۆ بيىل 29 قاراشادان 14 جەلتوقسانعا دەيٸن رەسپۋبليكا بويىنشا جوعارعى پالاتانىڭ 20 ورنىنا 130 كانديدات ۇسىنىلعانىن اتاپ ٶتتٸ. سالىستىرمالى تٷردە الاتىن بولساق, 2020 جىلى سەناتتىڭ كەزەكتٸ سايلاۋىنا 94 كانديدات, 2017 جىلى – 89 كانديدات, 2014 جىلى – 88, 2011 جىلى 96 كانديدات ۇسىنىلعان بولاتىن. وسىلايشا, كانديداتتاردىڭ بەسەكەلەستٸك ٷردٸسٸ ساقتالىپ وتىر. ورتاشا ەسەپپەن بٸر مانداتقا 6 ادامنان اسا ٷمٸتكەردەن كەلەدٸ" - دەلٸنگەن حابارلامادا.
ٶڭٸرلەر اراسىندا ەڭ كٶپ كانديدات اباي, باتىس قازاقستان, قىزىلوردا وبلىستارىندا – 8, الماتى مەن استانا قالالارىندا – 10 ادامنان ۇسىنىلعان. ەڭ ازى – 5 ٷمٸتكەردەن اقمولا, اقتٶبە, الماتى, شىعىس قازاقستان, جامبىل, قوستاناي, پاۆلودار, سولتٷستٸك قازاقستان وبلىستارىندا جەنە 6 ٷمٸتكەر شىمكەنت قالاسىندا ۇسىنىلعان.
كانديداتتار اراسىندا 97,7 پايىز (127) ٶزٸن-ٶزٸ ۇسىنۋشىلار, ال 2,3 پايىزىن (3) مەسليحاتتار ۇسىنعان. ٷمٸتكەرلەردٸڭ ورتاشا جاسى 50,5-تٸ قۇراپ وتىر. ەڭ جاس ٷمٸتكەر – 30 جاستا, ٷمٸتكەرلەر اراسىنداعى ەڭ ەرەسەگٸ – 74 جاستا.
ۇسىنىلعان ٷمٸتكەرلەردٸڭ ٸشٸندە 33 ەيەل بار. ال ٶتكەن سايلاۋدا, ياعني 2020 جىلى – 19, 2017 جىلى – 13, 2014 – 5 ەيەل ٷمٸتكەر بولعان.
ماماندىقتارى بويىنشا اتاپ ٶتەر بولساق: 22 ينجەنەر, 21 ەكونوميست, 21 پەداگوگ, 18 زاڭگەر, 15 اگرارلىق سالا قىزمەتكەرٸ, 5 دەرٸگەر, 2 جۋرناليست, 3 ساياساتتانۋشى جەنە 23 باسقا ماماندىق يەلەرٸ.
"كانديداتتار اراسىندا 36 كوممەرتسييالىق قۇرىلىمداردىڭ قىزمەتكەرٸ; 27 مەملەكەتتٸك ۇيىمداردىڭ, كەسٸپورىندار مەن مەكەمەلەردٸڭ قىزمەتكەرٸ; 48 مەملەكەتتٸك قىزمەتشٸ, 9 قوعامدىق ۇيىمداردىڭ ٶكٸلدەرٸ, 2 زەينەتكەر جەنە 3 جۇمىسسىز ٷمٸتكەر بار.
قازٸرگٸ ۋاقىتتا پارلامەنت سەناتىنىڭ دەپۋتاتتىعىنا كانديداتتاردى تٸركەۋ پروتسەسٸ جٷرٸپ جاتىر, ول 24 جەلتوقسانعا دەيٸن جالعاسادى. بٷگٸنگٸ كٷنٸ سايلاۋ كوميسسييالارى 49 كانديدات تٸركەدٸ" - دەلٸنگەن حابارلامادا.
سٶز سوڭىندا كونستانتين پەتروۆ پارلامەنت سەناتىنىڭ دەپۋتاتتىعىنا كانديداتتاردى تٸركەۋ قورىتىندىلارى ورتالىق سايلاۋ كوميسسيياسىنىڭ جەكە وتىرىسىندا قارالاتىنىن اتاپ ٶتتٸ.
