Senat depýtattarynyń sailaýy 2023 jyldyń 14 qańtarda ótedi. Qasym-Jomart Toqaev tiisti Jarlyqqa qol qoidy.
"Qazaqstan Respýblikasynyń Úkimeti, Astana, Almaty jáne Shymkent qalalarynyń, oblystardyń ákimderi Qazaqstan Respýblikasy Parlamenti Senatynyń depýtattaryn sailaýdy uiymdastyrýshylyq, materialdyq-tehnikalyq jáne qarjylyq qamtamasyz etý jóninde sharalar qabyldasyn", - delingen qujatta.
Jarlyq jariialanǵan kúninen bastap qoldanysqa engiziledi.
Senat sailaýynda zańǵa sáikes, azamattar emes, Máslihat depýtattary daýys beredi.
Memleket basshysy búgin ulyqtaý rásiminde sóilegen sózinde sailaý qorytyndysy boiynsha Senattyń depýtattyq korpýsynyń bir bóligi básekelestik jáne ashyqtyq qaǵidattary negizinde jańaratynyn aitqan bolatyn.
