Senat depýtattary áskeri qyzmet týraly zań jobasy boiynsha Májilistiń keibir túzetýlerimen kelispedi. Sonymen qatar, birqatar normany alyp tastaýdy usyndy, - dep habarlaidy Tengrinews.kz.
Senatta áskeri qyzmetke bailanysty másele, arnaiy memlekettik organ qyzmetkerleri men áskeri qyzmetshilerdiń turǵyn úige qatysy týraly zań jobasy qaraldy.
"Zań jobasyn talqylaý barysynda Senatta áskeri qyzmetshilerdiń quqyqtaryn retteý máselelerinde keshendi tásildi qamtamasyz etýge bailanysty "Áskeri qyzmet jáne áskeri qyzmetshilerdiń mártebesi týraly" zańnyń 6-baby 2-tarmaǵynyń qoldanystaǵy redaktsiiasyn saqtaý boiynsha oǵan ózgerister engizý qajet", - dedi senator Sergei Ershov otyrysta.
- Tártip buzýshynyń áskeri bólim nemese ózge de qorǵanys nysany aýmaǵyna kirýi;
- Qarýly Kúshterdiń, basqa da ásker men áskeri quralymdardyń ǵimarattaryna, úi-jailaryna, kólik quraldaryna jasalǵan shabýylyn toitarý;
- Áskeri qyzmet mindetterin oryndaý kezinde zańdy ókimge nemese talapqa baǵynbaý;
- Kólik quralyn basqaratyn adam áskeri qyzmetshiniń zańdy talaptaryn oryndamasa, ony zaqymdaý arqyly toqtatý.
Sondai-aq, Senat alyp tastaǵan Májilis túzetýlerinde "Áskeri qyzmetshi zańda kózdelgen áskeri qyzmetshiniń ózine, basqa azamattarǵa jáne ol qorǵaityn nysanǵa qol suǵý sipaty men qaýiptiligine sáikes kelse, ol kúsh kórsetip, urys tehnikasyn, arnaiy quraldardy, qarýdy qoldanýyna bailanysty keltirilgen moraldyq, materialdyq jaǵynan ziian keltirgeni úshin jaýapty emes".
