Foto: zhasulan-semey.kz
Semeidegi Sh. Ýálihanov atyndaǵy «Jas Ulan» mamandandyrylǵan mektep-litsei-internatynan alańdatarlyq kadrlar paida boldy. Videoda joǵarǵy synyp oqýshysy taǵy bir tárbielenýshini qatty qysyp, tunshyqtyryp jatqany kórinedi. Jábirlenýshi qarsylasýǵa tyrysqanymen, ózin bosata almaidy. Bul týraly Krispmedia.kz redaktsiiasyna silteme jasap Ult.kz habarlaidy.
Bul — oqý ordasynda bolyp otyrǵan zorlyq-zombylyqtyń alǵashqy deregi emes. BAQ-ta buǵan deiin de joǵary synyp oqýshylarynyń kishi tárbielenýshilerdi júieli túrde qorlaityny týraly materialdar birneshe ret jariialanǵan. Alaida jariialylyq pen qoǵamnyń narazylyǵyna qaramastan, jaǵdai ózgermei turǵandai.
Videony joldaǵan oqyrman ákimshilik tarapynan eshqandai reaktsiia joqtyǵyna tańdanysyn ári ashýyn bildirip, direktordyń áli de óz qyzmetinde otyrǵanyn atap ótti.
«Direktordy qyzmetten bosatpai otyr. Aitqandai, balyq basynan shiridi», — dep jazdy ol.
