Semeide sý tasqynynan zardap shekkenderge kómek kórsetý týraly bastama kóterilip, qazaqstandyqtarǵa úndeý jariialandy, dep habarlaidy QazAqparat.
Bastamany qoǵam ókilderi men ardagerler keńesiniń músheleri kóterdi. Olar barlyq qazaqstandyqtardy sý tasqyny saldarynan zardap shekken semeilikterge qoldan kelgen kómekti kórsetýge shaqyrdy. Qarjylai kómek kórsetý úshin bankten arnaiy esepshot ashyldy.
«Halqymyz qai zamanda da qabyrǵasy qaiyspai qiyndyq pen aýyrtpashylyqty birge kóterip, jeńe bilgen. Qoldaýdy qajet etetin jandarǵa qol ushyn berý arqyly adam balasy jaqsylyqqa qadam bastaidy. Qaiyrymdylyq - halqymyzdyń eń izgi qasietteriniń biri. Sondyqtan, qiyn jaǵdaiǵa ushyraǵan jerlesterimizdi jan jaqty qoldap, yntymaǵy berik, birligi jarasqan el ekenimizdi kórsetip, qoldaý kórseteiik. Barlyqtaryńyzdy osynaý igilikti isten qalys qalmai, óz azamattyq ustanymdaryńyzdy bildirip, barynsha kómek kórsetýge shaqyramyz" delingen Úndeýde.
Shottyń rekvizitteri:
«Asyl» ÚEU
BSN: 051240009478
Esepshot: KZ699650000031221610
"Forte Bank" AQ
Aita keteiik, búgingi kúni qalada 300-ge jýyq úi, 500-den astam úi aýmaqtary, 400 saiajai aýmaǵy sý astynda qalyp otyr.
