Semeide oqýshy qyzdardyń tóbelesine qatysty tekseris bastaldy, dep habarlaidy Informbiýro.
Qaladaǵy bazar mańynda jinalyp, tóbelesken jasóspirimderdiń ata-analary jaýapkershilikke tartylýy múmkin. Qazir politsiia oqiǵanyń mán-jaiyn anyqtap jatyr.
Kópshiliktiń jaǵasyn ustatqan video áleýmettik jelide taraldy. 7-8 synyptyń qyzdary top bolyp jinalyp, qatarlastaryn kúshpen iterip jiberedi. Sosyn jerge ońbai qulaǵan qyzdy mazaq qylady. Ary qarai eki oqýshy syrt kiimderin sheship, tóbelesip jatqanyn kórýge bolady. Qalǵan qyzdar videoǵa túsirip, janjaldy tamashalap tur.
Qalalyq bilim bóliminiń basshylyǵy qyzlar arasyndaǵy tóbeles sabaqtan tys ýaqyttta bolǵanyn aitady. Oǵan qatysqan oqýshylar anyqtalyp, ata-analarymen birge politsiiaǵa bólimshesine jetkizilgen.
“Semei qalasynyń "Jansaia" bazary mańynda eki mekteptiń 7-8 synyp qyzdary arasynda oryn alǵan janjal týraly aqparat áleýmettik jelide shyqty. Bul oqiǵa sabaqtan tys ýaqytta oryn aldy. Qazirgi tańda tergeý amaldary júrgizilýde. Qatysýshylar men olardyń zańdy ókileri, sodai-aq bilim beri mekemeleriniń ókilderi tiisti quqyq qorǵaý organdaryna túsinikteme berdi. Videony áleýmettik jelide jariialaǵan oqýshynyń zańdy ókilderine QR qoldanystaǵy zańnamasyna sáikes aiyppul saldy”, – deidi Semei qalasy bilim bóliminiń mindetin atqarýshysy Makiia Ámirhanova.
