Semeidegi qurylys alańynan adam súiegi tabyldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary qurylys alańynan adam súieginiń tabylýyna bailanysty tergeý amaldaryn bastady.
«14 qarasha kúni Semeidegi Novostroika aýdanynda adam súiegi tabylǵan. Qazirgi ýaqytta atalǵan fakti qalalyq Áýezov politsiia bóliminde tirkelip, sotqa deiingi tergeý amaldary qolǵa alyndy. Birqatar sot-meditsinalyq saraptama taǵaiyndalǵan. Qylmystyq is júrgizý kodeksiniń 201-babyna sáikes ózge málimetter jariia etilmeidi», - delingen aqparatta.
