Semei qalasyndaǵy ataýy joq dańǵylǵa Nursultan Nazarbaev esimi beriletin boldy, dep habarlaidy "Ult aqparat".
Búgin shahar basshysy Nurymbet Saqtaǵanovtyń qatysýymen qalalyq máslihattyń kezekten tys besinshi sessiiasy ótti. Otyrys barysynda tórt másele qaraldy. Alǵashqy úsheýi vedomstvoaralyq komissiialardyń quramy jóninde bolsa, tórtinshisi – Qaraǵaily jańa yqshamaýdanyndaǵy dańǵylǵa Tuńǵysh Prezidenttiń esimin berý jaily bolǵan.
Dańǵyl Qaraǵaily aýdanyndaǵy «Semei-Pavlodar» tasjolynan bastaý alady. Sol jaǵynda kópsalaly mádeni-sport kesheni, Nazarbaev Ziiatkerlik mektebi, al oń jaǵynda jańadan boi kótergen turǵyn úiler men balabaqsha ornalasqan.
«Bolashaqta muz aidyny keshenin, bilim jáne tehnologiialar transferi mektebin ashý josparlanýda. Serýendeý aýmaqtary, qoǵamdyq tamaqtaný oryndary, balalarǵa arnalǵan oiyn jáne sport alańdary salynbaq. Budan bólek, óshelerdi jaryqtandyrý, oryndyqtar, qoqys jáshikterin jáne shaǵyn sáýlet nysandaryn ornatý qarastyrylǵan», - dedi Semei qalasynyń ákimi Nurymbet Saqtaǵanov.
Sessiia barysynda barlyq másele boiynsha sheshimder biraýyzdan qabyldandy. Endi Qaraǵaily kóshesine ataý berý týraly túpkilikti sheshimdi respýblikalyq onomastikalyq komissiia qabyldaidy.
