Semei qalasyndaǵy Abai meshiti mańyna jerústi ótkel salynyp jatyr, dep habarlaidy QazAqparat.
Qalalyq Aqparat ortalyǵynyń málimetinshe, biyl kóktemde ashylǵan jańa meshitke Abai Qunanbaiulynyń esimi berilgen bolatyn. Ótken jyly uly aqynnyń 175 jyldyq mereitoiy aiasynda Túrkistan biligi meshit ainalasyn abattandyrdy. Alaida meshit ainalma jolda ornalasqandyqtan jaiaý júrginshilerdiń dini nysanǵa jetýi qiyndyq týdyrǵan.
Qyrkúiek aiynyń basynda meshittiń soltústik jaǵynan jerústi jaiaý júrginshiler ótkelin salý qolǵa alyndy. Kelesi jyly ońtústik jaqqa da ótkel ornatý josparlanǵan.
«Jobanyń jalpy somasy – 100 mln teńgeni quraidy. Búgingi kúni jumystardyń 50%-y oryndaldy. Jaiaý júrginshiler ótkeli ainalma jolda ornalasqan meshit jobasynyń ajyramas bóligi. Osy ótkeldiń kómegimen jaiaý júrginshiler meshitke bara alady», - deidi joba avtory Nurlan Júnisov.
Ótkel uzyndyǵy – 48 metr, eni – 2,5 metr, biiktigi – 5,5 metr. Jaiaý júrginshiler ótkeliniń tirekterine altyn tústi kúmbezder qoiylady. Barlyq konstrýktsiialar metaldan jasalǵan.
