سەمەي قالاسىنداعى اباي مەشٸتٸ ماڭىنا جەرٷستٸ ٶتكەل سالىنىپ جاتىر, دەپ حابارلايدى قازاقپارات.
قالالىق اقپارات ورتالىعىنىڭ مەلٸمەتٸنشە, بيىل كٶكتەمدە اشىلعان جاڭا مەشٸتكە اباي قۇنانبايۇلىنىڭ ەسٸمٸ بەرٸلگەن بولاتىن. ٶتكەن جىلى ۇلى اقىننىڭ 175 جىلدىق مەرەيتويى اياسىندا تٷركٸستان بيلٸگٸ مەشٸت اينالاسىن اباتتاندىردى. الايدا مەشٸت اينالما جولدا ورنالاسقاندىقتان جاياۋ جٷرگٸنشٸلەردٸڭ دٸني نىسانعا جەتۋٸ قيىندىق تۋدىرعان.
قىركٷيەك ايىنىڭ باسىندا مەشٸتتٸڭ سولتٷستٸك جاعىنان جەرٷستٸ جاياۋ جٷرگٸنشٸلەر ٶتكەلٸن سالۋ قولعا الىندى. كەلەسٸ جىلى وڭتٷستٸك جاققا دا ٶتكەل ورناتۋ جوسپارلانعان.
«جوبانىڭ جالپى سوماسى – 100 ملن تەڭگەنٸ قۇرايدى. بٷگٸنگٸ كٷنٸ جۇمىستاردىڭ 50%-ى ورىندالدى. جاياۋ جٷرگٸنشٸلەر ٶتكەلٸ اينالما جولدا ورنالاسقان مەشٸت جوباسىنىڭ اجىراماس بٶلٸگٸ. وسى ٶتكەلدٸڭ كٶمەگٸمەن جاياۋ جٷرگٸنشٸلەر مەشٸتكە بارا الادى», - دەيدٸ جوبا اۆتورى نۇرلان جٷنٸسوۆ.
ٶتكەل ۇزىندىعى – 48 مەتر, ەنٸ – 2,5 مەتر, بيٸكتٸگٸ – 5,5 مەتر. جاياۋ جٷرگٸنشٸلەر ٶتكەلٸنٸڭ تٸرەكتەرٸنە التىن تٷستٸ كٷمبەزدەر قويىلادى. بارلىق كونسترۋكتسييالار مەتالدان جاسالعان.
