Semeide jol apatynan mototsikl júrgizýshisi qaza tapty, - dep habarlaidy Tengrinews.kz.
Jol apaty ótken túnde Muhamedhanov - Abai kósheleriniń qiylysynda bolǵan.
"11 mamyrda saǵat 19:00 shamasynda Q.Muhamedhanov – Abai kósheleriniń qiylysynda Hyundai Sonata avtokóligi men Honda mototsikly soqtyǵysqan. Apat saldarynan 25 jastaǵy mototsikl júrgizýshisi oqiǵa ornynda qaza tapty. Mototsikl jolaýshysy aýrýhanaǵa jetkizildi", - delingen habarlamada.
Qazirgi ýaqytta oqiǵanyń barlyq mán-jaiy QR QK-niń 345-baby 3-bóligi (Kólik quraldaryn basqaratyn adamdardyń jol qozǵalysy nemese kólik quraldaryn paidalaný erejelerin buzýy, abaisyzda adam ólimine ákep soqtyrý) boiynsha sotqa deiingi tergep-tekserý aiasynda anyqtalyp jatyr.
Qylmystyq-protsestik kodekstiń 201-babynyń 1-bóligine sáikes sotqa deiingi tergep-tekserýdiń ózge de derekteri jariia etýge jatpaidy.
video: Tengrinews.kz
