Politseiler Semeide bolǵan jappai tártipsizdikti zerttep jatyr, - dep habarlaidy kaz.tengrinews.kz.
9 sáýirde shamamen túngi saǵat 23.00-de bir top jigit Óskemen kóshesinen Vostochnyi aýylyna baratyn jolda tóbeles shyǵarǵan. Shamamen 20 adam aiǵailap, shýlap, joldaǵy qozǵalysqa bóget bolǵan. Kýágerler jigitterdiń bir-birimen tóbelespekshi bolǵan sátin videoǵa túsirip alǵan.
Biraq politsiia qyzmetkerleri bul tóbelestiń aldyn alǵan. "Qaza tapqandar men zardap shekkender joq. Tóbeleske qatysqan barlyq adam ustaldy, biraq olar syrtqa shyqpaý týraly qolhatpen jiberildi. Oqiǵanyń mán-jaiy anyqtalyp jatyr", - dedi Semei qalalyq IIB ókilderi.
Ustalǵandardyń basym bóligi jastar ekeni belgili boldy, olardyń kóbisi - kámelet jasyna tolmaǵandar. Qazir quqyq qorǵaý organdary olardyń ata-analarymen de jumys istep jatyr.
