29-30-qyrkúiek kúnderi Abai atyndaǵy memlekettik qazaq mýzykalyq drama teatrynda mýzyka klassigi Iogann Shtraýstyń «Jarqanat» spektakli sahnalandy. Semei teatrynyń sahnasynda, operetta janrynda qoiylǵan tuńǵysh týyndy.
Iogann Shtraýstyń «Jarqanat» atty operettasyn Qazaqstan Respýblikasynyń eńbek sińirgen qairatkeri Nurlan Jumaniiazovtyń rejisserligimen sahnalandy. Astanadan arnaiy kelgen rejisser tabandylyq tanytyp, bir jarym ai ártistermen qaýyrt jumys jasady. Salmaǵy da aýyr, deńgeii de joǵary klassikalyq shyǵarmany sahnaǵa shyǵarý ońai bolǵan joq. Dese de, Atam teatrynyń ártisteriniń sheberlik qýaty klassikalyq týyndyny alyp shyqty. Ekiniń biri bara bermeitin týyndy sátti qoiyldy.
Shyǵarma negizi Genrih Aizenshteinniń sottan jeńilis tabýynan bastalady. Túrme direktory, Frank Alfredty , Aizenshteinniń ornyna qamap, oqiǵa jelisin shielinistire túsedi. Kezekti oqiǵa barysy Orlovskii kniazdiń úiinde bolatyn balmaskaradta jalǵasady. Jarqanat kiiminde Rozalinda ekenin bilmegen Aizenshtein oǵan ǵashyqtyq sezimin bildiredi. Óz áieline ózi ǵashyq bolǵan, Aizenshteiinniń álegimen oqiǵa sharyqtai túsedi. Qyzyqty, ári tartysty qoiylym sońy bir-biriniń qateligin túsinip, mahabbattary qaita jańǵyrady. Mahabbat degen uly sezimniń máńgi bolýy, bir-birine degen adaldyq, shynaiylyqtyń nátijesinde ekendigin avtor óz shyǵarmasynda sóz etedi. Kórermendi kúldire otyryp oi salady.
Mahabbat – adam janynyń asyl qasieti, yntyq, riiasyz, názik sezimi. Sol kórkem qubylysty álemge tanymal «Jarqanat» atty suranysqa ie týyndy barysynan baiqai alamyz. Rejisser avtordyń aitpaq negizgi ideiasyn alǵa tartyp, kórermenge kóterińki kóńil-kúi syilaidy.
Álemge áigili operettany qazaq tilinde kórermenmen qaýyshyp, erekshe yqylasqa ie boldy.
Spektaklge teatrdyń tolyq akterlyq quram qatysty. Mýzykalyq spektakl bolǵandyqtan, teatrdyń kameralyq orkestriniń eńbegi erekshe ekenin aita ketken jón. Dirijer Daniiar Seiilhadirovtyń tabandylyǵy, eńbegi ushan teńis ekenin spektakl barysynda-aq aiqyn kórindi. Basty rólderdi somdaǵan : Genrih Aizenshtein - Bekzat Omashev, Rozalinda – Ásel Asylbekova , Falk – Azamat Nurǵamys , Alfred – Jánibek Avlenov , Adel – Aqerke Rizabekova , Blid – Dýman Bakimbaev , Orlovskii – Myrzahan Sydyqovty sheberlikterine, tamyljyta salǵan ánderi men ártistik talanttary spektakldiń janyn kirgizip, shyǵarmanyń shyraiyn ashty.
Abai atyndaǵy memelekettik qazaq mýzykalyq drama teatrynyń repertýary operettamen tolyqty.
Merei Qartov,
Ádebi bólim meńgerýshisi
