Abai atyndaǵy memlekettik qazaq mýzykalyq drama teatry, F.M.Dostoevskii atyndaǵy orys drama teatry jáne «Dariǵa-ai» jastar teatry 1-qyrkúiek kúni Abai teatry alańynda «Shabyt aimaǵy» atty jyl saiynǵy dástúrli teatr maýsymyn ashty.
Alańda aldymen úsh teatrdyń júrgizýshileri shyǵyp, biylǵy maýsym týraly, aldaǵy bolatyn qyzyqtar jaily jinalǵan jurtqa aqparat berdi. Abai atyndaǵy memlekettik qazaq mýzykalyq drama teatrynyń ártisteri T. Ǵizzattyń «Bashmaq joǵaldy» spektaklinen úzindi kórsetip, halyqtyń qoshemetine bólense, F.M. Dostoevskii atyndaǵy orys drama teatrynyń ártisteri fleshmob uiymdastyryp jinalǵan jurttyń delebesin qozdyrdy, al Dariǵa-ai jastar teatrynyń ártisi Akram Raiymbek án salyp, ártisteri qalyń jurtshylyqty bige shaqyryp kóńil kóterdi.
Odan keiin óner súier qaýym foiege shaqyryldy. San qyrly, syry men syny kóp sahna ómiri óz qaqpasyn aiqara ashty. Kúndelikti qoiylymdardan bólek el nazarynan tys turatyn sahna sándeýshileri, kostiým meńgerýshileri, sýretshiler, ánmen árleýshiler kelgen qonaqtardy qarsy alyp bir sátke sahna sańlaǵy beinesine engizip, shabyt syilady. Foiege lyq tolǵan óner súier qaýym súiikti keiipkerleriniń kiimin kiip, qalam ustap aqyn bolyp, naiza ustap batyr bolyp, qylqalam ustap sýretshi keipine kirdi. Árine, sonyń barlyǵyn estelikke saqtaý úshin fotosýretke túsip, ábden qyzyqqa batqan jurt kórermen zalyna bettedi. Bul jerde atalǵan úsh teatr ártisteri repertýarlaryndaǵy eń qyzyqty spektaklderden úzindi kórsetti. Bir qyzyǵy, qoiylǵan spektakldiń sońynan kórermen arasynan ártis sezingisi keletin jandardy sahna tórine shyǵaryp, usynylǵan spektaklderge ártis retinde qabyldap, óner kórsetýge múmkindik týǵyzdy. Taban asty tapqyrlyq tanytyp kórermen arasynan shyqqan qyz-jigitter de eldiń yqylasyna bólendi. Ártister sezinetin shabytty, qoshemetten alatyn lázzatty sezinip, erekshe kóńil-kúimen jaiǵasty. Spektaklderden soń ásem ánder aitylyp, myń buralǵan biler usynyldy Kesh sońy teatr ánuranymen aiaqtaldy.
Merei Qartov, ádebiet bóliminiń meńgerýshisi.
Ult portaly
