Semei qalasynda otbasylyq basqosý kezinde 7 adam koronavirýs juqtyryp alǵan. Onyń ishinde 3 jasar bala bar, dep habarlaidy "Ult aqparat".
«Búgingi tańda elimizde shekteý sharalary birtindep jeńildetile bastady. Biraq, ókinishke qarai bul koronavirýs infektsiiasynyń taralý qaýpi joq degendi bildirmeidi. Munyń aiqyn dáleli retinde Semei qalasyndaǵy jaǵdaidy aitýǵa bolady. Otbasylyq basqosý kezinde jeti adam juqpaly indetke shaldyqqan. Onyń ishinde úsh jasar bala bar. Shekteý sharalarynyń jeńildetilýi bizdi basqalar aldyndaǵy jaýapkershilikten bosatpaitynyn túsinýimiz kerek», - delingen Óskemen ákimdiginiń Instagram paraqshasynda.
Ákimdiktegiler aýa-raiynyń jylynýyna qaramastan adam kóp jinalatyn sharalarǵa barmaýǵa shaqyrdy.
«Jerlesterimizdi infektsiianyń taralýyna qarsy birlese kúresýge úndeimiz. Merekelik basqosýlar men otyrystardan ýaqytsha bas tartyńyz. Qazir árqaisymyzda úlken jaýapkershilik jatyr. Tek ortaq kúsh-jigerdiń arqasynda biz bir-birimizdiń ómirimizdi saqtai alamyz! Biz birgemiz!», - delingen habarlamada.
