سەمەي قالاسىندا وتباسىلىق باسقوسۋ كەزٸندە 7 ادام كوروناۆيرۋس جۇقتىرىپ العان. ونىڭ ٸشٸندە 3 جاسار بالا بار, دەپ حابارلايدى "ۇلت اقپارات".
«بٷگٸنگٸ تاڭدا ەلٸمٸزدە شەكتەۋ شارالارى بٸرتٸندەپ جەڭٸلدەتٸلە باستادى. بٸراق, ٶكٸنٸشكە قاراي بۇل كوروناۆيرۋس ينفەكتسيياسىنىڭ تارالۋ قاۋپٸ جوق دەگەندٸ بٸلدٸرمەيدٸ. مۇنىڭ ايقىن دەلەلٸ رەتٸندە سەمەي قالاسىنداعى جاعدايدى ايتۋعا بولادى. وتباسىلىق باسقوسۋ كەزٸندە جەتٸ ادام جۇقپالى ٸندەتكە شالدىققان. ونىڭ ٸشٸندە ٷش جاسار بالا بار. شەكتەۋ شارالارىنىڭ جەڭٸلدەتٸلۋٸ بٸزدٸ باسقالار الدىنداعى جاۋاپكەرشٸلٸكتەن بوساتپايتىنىن تٷسٸنۋٸمٸز كەرەك», - دەلٸنگەن ٶسكەمەن ەكٸمدٸگٸنٸڭ Instagram پاراقشاسىندا.
ەكٸمدٸكتەگٸلەر اۋا-رايىنىڭ جىلىنۋىنا قاراماستان ادام كٶپ جينالاتىن شارالارعا بارماۋعا شاقىردى.
«جەرلەستەرٸمٸزدٸ ينفەكتسييانىڭ تارالۋىنا قارسى بٸرلەسە كٷرەسۋگە ٷندەيمٸز. مەرەكەلٸك باسقوسۋلار مەن وتىرىستاردان ۋاقىتشا باس تارتىڭىز. قازٸر ەرقايسىمىزدا ٷلكەن جاۋاپكەرشٸلٸك جاتىر. تەك ورتاق كٷش-جٸگەردٸڭ ارقاسىندا بٸز بٸر-بٸرٸمٸزدٸڭ ٶمٸرٸمٸزدٸ ساقتاي الامىز! بٸز بٸرگەمٸز!», - دەلٸنگەن حابارلامادا.
