Otandyq shoý-bizneste taǵy bir daý shyqty. Qairat Nurtastyń kontsertine kire almaǵan kórermender narazylyq bildirip jatqanda, mýzykant Aqsuńqardyń Threads jelisindegi jazbasy qyzý talqyǵa tústi, dep habarlaidy ult.kz.
Óner iesi óziniń sahnada gitara tartyp, erkin jumys isteitinin aityp, qarapaiym halyqtyń qiyndyqtaryna qatysty pikir bildirgen. Sondai-aq byltyr ózine jariialanǵan boikotty eske alyp, qazirgi jaǵdaidy sonyń “karmasy” dep baǵalaǵan.
“Maǵan emes, ózderińe qiyn bolady, egom sondai”, – degen sózi jeli qoldanýshylaryna unamaǵan.
Jazbaǵa ashýlanǵan oqyrmandar mýzykantty synap, oǵan qaitadan boikot jariialaýǵa shaqyrdy. Atap aitqanda, @gauhar.oralbek esimdi qoldanýshy óner iesine naǵyz boikottyń qandai bolatynyn kórsetý kerektigin jazǵan.
Kópshiliktiń synynan keiin Aqsuńqar keshirim surap, oiyn durys jetkize almaǵanyn moiyndady.
“Sál sóz qurai almaitynym bar, moiyndaimyn. Oiymdy durys jetkize almai, árdaiym osylai taiaq jep júrem”, – dep túsindirdi ol.
Mýzykant shynaiy ómirde qarapaiym adam ekenin aityp, jazbasynyń kópshilikke jaǵymsyz áser qaldyrǵanyna qatysty pikir bildirdi.
Alaida onyń alǵashqy málimdemesi áleýmettik jelide qyzý talqylanyp jatyr.
Aita keteiik, Ánshi Argonya kontserttegi áreketine túsinikteme berdi.
Aqsuńqar kim?
Aqsuńqar – qazaqstandyq ánshi, gitarist ári mýzykant. Ol kópshilikke tanymal ánshi Qairat Nurtastyń shyǵarmashylyq ujymynda óner kórsetýimen jáne áleýmettik jelidegi belsendiligimen tanylǵan.
Mýzykant jeke shyǵarmashylyǵymen de ainalysady. Onyń repertýarynda “Moiyl kóz”, “Qagaz qalam”, “Oilai”, “Bara almaimyn” ánderi bar. Sondai-aq Qairat Nurtaspen birge “Meni qimaisyń endi” ánin oryndaǵan.
Aqsuńqardyń jeke ómiri de buǵan deiin kópshiliktiń nazarynda bolǵan. Ol ánshi Arailym Ábilseiitpen otbasyn qurǵan. 2024 jyly Arailym “Taboo” podkastynda otbasylyq ómirindegi qiyndyqtar men ónerden ketý týraly sheshimin aitqan.
