Abai aýdany TJD
Semeide 2 qańtarda toǵyz qabatty úidiń 5-qabatynda órt shyqty. Oqiǵa ornyna jetken órtsóndirýshiler 2018 jyly týǵan balany aman alyp qaldy, - dep habarlaidy Tengrinews.kz portaly.
Abai oblystyq TJD málimetinshe, órt týraly habar saǵat 17:16-da túsken.
"Órt Shákárim dańǵyly, 13-úi mekenjaiynda boldy. Oqiǵa ornyna jetkende 9 qabatty turǵyn úidiń besinshi qabatyndaǵy páterdiń zattary, jihazdary, tehnikasy, terezesi janyp jatqany belgili boldy. Qyzmetkerler qabyrǵa qurylymdaryn bólshektep, 2018 jyly týǵan balany qutqardy. Ol oblystyq balalar aýrýhanasyna jetkizildi. Qazir onyń jaǵdaiy aýyr dep baǵalandy, bala dárigerlerdiń baqylaýynda", - dedi Abai oblystyq TJD baspasóz qyzmeti ókilderi.
Oqiǵa ornyna eki avtotsisterna, bir baspaldaq jáne jeke quramnan 8 adam jumyldyryldy. Abai aýdanynyń Tótenshe jaǵdailar departamenti ókilderi qala turǵyndary men qonaqtaryna kúndelikti ómirde órt qaýipsizdigi erejelerin qatań saqtaýdy eskertedi.
