اباي اۋدانى تجد
سەمەيدە 2 قاڭتاردا توعىز قاباتتى ٷيدٸڭ 5-قاباتىندا ٶرت شىقتى. وقيعا ورنىنا جەتكەن ٶرتسٶندٸرۋشٸلەر 2018 جىلى تۋعان بالانى امان الىپ قالدى, - دەپ حابارلايدى Tengrinews.kz پورتالى.
اباي وبلىستىق تجد مەلٸمەتٸنشە, ٶرت تۋرالى حابار ساعات 17:16-دا تٷسكەن.
"ٶرت شەكەرٸم داڭعىلى, 13-ٷي مەكەنجايىندا بولدى. وقيعا ورنىنا جەتكەندە 9 قاباتتى تۇرعىن ٷيدٸڭ بەسٸنشٸ قاباتىنداعى پەتەردٸڭ زاتتارى, جيھازدارى, تەحنيكاسى, تەرەزەسٸ جانىپ جاتقانى بەلگٸلٸ بولدى. قىزمەتكەرلەر قابىرعا قۇرىلىمدارىن بٶلشەكتەپ, 2018 جىلى تۋعان بالانى قۇتقاردى. ول وبلىستىق بالالار اۋرۋحاناسىنا جەتكٸزٸلدٸ. قازٸر ونىڭ جاعدايى اۋىر دەپ باعالاندى, بالا دەرٸگەرلەردٸڭ باقىلاۋىندا", - دەدٸ اباي وبلىستىق تجد باسپاسٶز قىزمەتٸ ٶكٸلدەرٸ.
وقيعا ورنىنا ەكٸ اۆتوتسيستەرنا, بٸر باسپالداق جەنە جەكە قۇرامنان 8 ادام جۇمىلدىرىلدى. اباي اۋدانىنىڭ تٶتەنشە جاعدايلار دەپارتامەنتٸ ٶكٸلدەرٸ قالا تۇرعىندارى مەن قوناقتارىنا كٷندەلٸكتٸ ٶمٸردە ٶرت قاۋٸپسٸزدٸگٸ ەرەجەلەرٸن قاتاڭ ساقتاۋدى ەسكەرتەدٸ.
