Búgin Abai atyndaǵy Semei memlekettik qazaq mýzykaly drama teatrynda uly jazýshy Muhtar Áýezovtiń 125 jyldyǵyna arnalǵan «Áýezov álemi» atty saltanatty kesh ótti. Is-sharaǵa QR Mádeniet jáne sport ministri Dáýren Abaev, ziialy qaýym ókilderi, mádeniet jáne óner qairatkerleri qatysty, dep habarlaidy "Ult aqparat" vedomstvonyń baspasóz qyzmetine silteme jasap.
Abaev quttyqtaý sózinde Abai, Shákárim jáne Muhtar Áýezov siiaqty uly aqyndar men jazýshylardyń qasietti Semei jerinde dúniege kelgenin erekshe atap ótti.
«Búgingi is-sharany Muhtar Áýezovtiń 125 jyldyǵyn merekeleýdiń bastamasy dep sanaýǵa bolady. Mereitoi aiasynda tórt baǵyt boiynsha barlyǵy 82 is-shara ótkiziledi. Olar uly jazýshynyń mádeni murasyn saqtaýǵa jáne ony halyq arasynda nasihattaýǵa baǵyttalǵan», - dedi ministr.
Qazirgi ýaqytta M.Áýezovtiń ádebi-memorialdyq mýzei-úiiniń ǵimaratynda ǵylymi-restavratsiialaý jumystary júrgizilip, Qyrǵyzstannyń Sholpan-Ata qalasynda jazýshynyń biýstin ornatýǵa daiyndyq júrip jatyr. Oqýshylar úshin «áýezovtaný» videolektsiialarynyń tsikli ázirlenedi, ádebi podkasttar jasalady, Halyqaralyq teatr festivalin ótkizý josparlanýda, «Aqan-Zaira» tragediiasynyń teatrlandyrylǵan qoiylymy premeraǵa daiyndalyp jatyr. Sheteldik muraǵattarda jazýshynyń ómiri men shyǵarmashylyǵyna qatysty qujattar zerttelip, kópshilikke usynylady.
«Áýezov álemi-ótkeni men bolashaǵyn, tarihyn qazirgi zamanmen bailanystyratyn altyn kópir. Áýezovtiń arqasynda álem tek Abai týraly ǵana emes, qazaq tiliniń shuraiy, halqymyzdyń bai tarihy, ulttyq qundylyqtary, san ǵasyrlyq syn-tegeýrinderdiń óshpes rýhy týraly da bildi. «Abai joly» bizdiń baǵyttaýshy juldyzymyzǵa ainalǵandai, biz de Muhtar jolyn óskeleń urpaq úshin danalyqtyń úlgisi etýimiz kerek», - dep atap ótti Dáýren Abaev.
Aita keteiik, óńirlik deńgeide mereitoilyq dataǵa orai barlyǵy 500-den astam merekelik is-shara ótkizý josparlanyp otyr.
