بٷگٸن اباي اتىنداعى سەمەي مەملەكەتتٸك قازاق مۋزىكالى دراما تەاترىندا ۇلى جازۋشى مۇحتار ەۋەزوۆتٸڭ 125 جىلدىعىنا ارنالعان «ەۋەزوۆ ەلەمٸ» اتتى سالتاناتتى كەش ٶتتٸ. ٸس-شاراعا قر مەدەنيەت جەنە سپورت مينيسترٸ دەۋرەن اباەۆ, زييالى قاۋىم ٶكٸلدەرٸ, مەدەنيەت جەنە ٶنەر قايراتكەرلەرٸ قاتىستى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
اباەۆ قۇتتىقتاۋ سٶزٸندە اباي, شەكەرٸم جەنە مۇحتار ەۋەزوۆ سيياقتى ۇلى اقىندار مەن جازۋشىلاردىڭ قاسيەتتٸ سەمەي جەرٸندە دٷنيەگە كەلگەنٸن ەرەكشە اتاپ ٶتتٸ.
«بٷگٸنگٸ ٸس-شارانى مۇحتار ەۋەزوۆتٸڭ 125 جىلدىعىن مەرەكەلەۋدٸڭ باستاماسى دەپ ساناۋعا بولادى. مەرەيتوي اياسىندا تٶرت باعىت بويىنشا بارلىعى 82 ٸس-شارا ٶتكٸزٸلەدٸ. ولار ۇلى جازۋشىنىڭ مەدەني مۇراسىن ساقتاۋعا جەنە ونى حالىق اراسىندا ناسيحاتتاۋعا باعىتتالعان», - دەدٸ مينيستر.
قازٸرگٸ ۋاقىتتا م.ەۋەزوۆتٸڭ ەدەبي-مەموريالدىق مۋزەي-ٷيٸنٸڭ عيماراتىندا عىلىمي-رەستاۆراتسييالاۋ جۇمىستارى جٷرگٸزٸلٸپ, قىرعىزستاننىڭ شولپان-اتا قالاسىندا جازۋشىنىڭ بيۋستٸن ورناتۋعا دايىندىق جٷرٸپ جاتىر. وقۋشىلار ٷشٸن «ەۋەزوۆتانۋ» ۆيدەولەكتسييالارىنىڭ تسيكلٸ ەزٸرلەنەدٸ, ەدەبي پودكاستتار جاسالادى, حالىقارالىق تەاتر فەستيۆالٸن ٶتكٸزۋ جوسپارلانۋدا, «اقان-زايرا» تراگەديياسىنىڭ تەاترلاندىرىلعان قويىلىمى پرەمەراعا دايىندالىپ جاتىر. شەتەلدٸك مۇراعاتتاردا جازۋشىنىڭ ٶمٸرٸ مەن شىعارماشىلىعىنا قاتىستى قۇجاتتار زەرتتەلٸپ, كٶپشٸلٸككە ۇسىنىلادى.
«ەۋەزوۆ ەلەمٸ-ٶتكەنٸ مەن بولاشاعىن, تاريحىن قازٸرگٸ زامانمەن بايلانىستىراتىن التىن كٶپٸر. ەۋەزوۆتٸڭ ارقاسىندا ەلەم تەك اباي تۋرالى عانا ەمەس, قازاق تٸلٸنٸڭ شۇرايى, حالقىمىزدىڭ باي تاريحى, ۇلتتىق قۇندىلىقتارى, سان عاسىرلىق سىن-تەگەۋرٸندەردٸڭ ٶشپەس رۋحى تۋرالى دا بٸلدٸ. «اباي جولى» بٸزدٸڭ باعىتتاۋشى جۇلدىزىمىزعا اينالعانداي, بٸز دە مۇحتار جولىن ٶسكەلەڭ ۇرپاق ٷشٸن دانالىقتىڭ ٷلگٸسٸ ەتۋٸمٸز كەرەك», - دەپ اتاپ ٶتتٸ دەۋرەن اباەۆ.
ايتا كەتەيٸك, ٶڭٸرلٸك دەڭگەيدە مەرەيتويلىق داتاعا وراي بارلىعى 500-دەن استام مەرەكەلٸك ٸس-شارا ٶتكٸزۋ جوسپارلانىپ وتىر.
