Semeide serozdy meningit juqtyrǵan eki balabaqsha tárbielenýshisi aýrýhanaǵa jatqyzyldy, dep habarlaidy "Ult aqparat".
Semeide serozdy meningit diagnozymen infektsiialyq aýrýhanaǵa 4 jastaǵy eki búldirshin tústi. Olar qaladaǵy «Juldyz-Ardaq» balabaqshasynyń tárbilenýshileri. Dárigerlerdiń aitýynsha, balalardyń syrqattary qaýipti emes. Qazir bireýi statsionarlyq em qabyldap jatsa, emdelýshiniń ekinshisi úiine shyǵarylǵan.
«Balalar infektsiialyq aýrýhanasyna meningit diagnozymen 25 qazannan beri atalǵan balalabaqshanyń úsh balasy tústi. Olardyń ekeýinen dárigerler qoiǵan diagnoz naqtylandy. Al úshinshi bala respiratorly virýstyq infektsiia juqtyrǵan. Balalarǵa qajetti em kórsetilýde. Ómirlerine tónip turǵan qaýip joq»,-dedi qalanyń bas sanitarlyq dárigeri Elvira Isabaeva.
Qazir ata-analar balabaqshany karantinge jabýdy talap etýde. Alaida balabaqsha basshylyǵy karantinge Qoǵamdyq densaýlyq saqtaý basqarmasynyń ruqsatynsyz jeke sheshim qabyldai almaitynyn aitty. Qazir mektepke deiingi mekemege tolyq dizenfektsiia jumystary júrgizilgen. Dárigerler ata-analarǵa alańdaýǵa esh negiz joq dep otyr.
Jalpy Semeide jyl basynan beri serozdy meningittiń 51 oqiǵasy tirkelgen.
