سەمەيدە سەروزدى مەنينگيت جۇقتىرعان ەكٸ بالاباقشا تەربيەلەنۋشٸسٸ اۋرۋحاناعا جاتقىزىلدى, دەپ حابارلايدى "ۇلت اقپارات".
سەمەيدە سەروزدى مەنينگيت دياگنوزىمەن ينفەكتسييالىق اۋرۋحاناعا 4 جاستاعى ەكٸ بٷلدٸرشٸن تٷستٸ. ولار قالاداعى «جۇلدىز-ارداق» بالاباقشاسىنىڭ تەربيلەنۋشٸلەرٸ. دەرٸگەرلەردٸڭ ايتۋىنشا, بالالاردىڭ سىرقاتتارى قاۋٸپتٸ ەمەس. قازٸر بٸرەۋٸ ستاتسيونارلىق ەم قابىلداپ جاتسا, ەمدەلۋشٸنٸڭ ەكٸنشٸسٸ ٷيٸنە شىعارىلعان.
«بالالار ينفەكتسييالىق اۋرۋحاناسىنا مەنينگيت دياگنوزىمەن 25 قازاننان بەرٸ اتالعان بالالاباقشانىڭ ٷش بالاسى تٷستٸ. ولاردىڭ ەكەۋٸنەن دەرٸگەرلەر قويعان دياگنوز ناقتىلاندى. ال ٷشٸنشٸ بالا رەسپيراتورلى ۆيرۋستىق ينفەكتسييا جۇقتىرعان. بالالارعا قاجەتتٸ ەم كٶرسەتٸلۋدە. ٶمٸرلەرٸنە تٶنٸپ تۇرعان قاۋٸپ جوق»,-دەدٸ قالانىڭ باس سانيتارلىق دەرٸگەرٸ ەلۆيرا يساباەۆا.
قازٸر اتا-انالار بالاباقشانى كارانتينگە جابۋدى تالاپ ەتۋدە. الايدا بالاباقشا باسشىلىعى كارانتينگە قوعامدىق دەنساۋلىق ساقتاۋ باسقارماسىنىڭ رۇقساتىنسىز جەكە شەشٸم قابىلداي المايتىنىن ايتتى. قازٸر مەكتەپكە دەيٸنگٸ مەكەمەگە تولىق ديزەنفەكتسييا جۇمىستارى جٷرگٸزٸلگەن. دەرٸگەرلەر اتا-انالارعا الاڭداۋعا ەش نەگٸز جوق دەپ وتىر.
جالپى سەمەيدە جىل باسىنان بەرٸ سەروزدى مەنينگيتتٸڭ 51 وقيعاسى تٸركەلگەن.
