Sońǵy málimetterge sáikes, elimizde juqpaly indetke shaldyqqandar sany 3205-ke jetti. Onyń ishinde Shyǵys Qazaqstan oblysynda jańadan 3 jaǵdai tirkeldi, dep habarlaidy "Ult aqparat".
ShQO ákimi baspasóz qyzmetiniń málimetine súiensek, Semei qalasynda COVID-19 virýsyn juqtyrǵan 3 adam 28 sáýir kúni qaýipti dertke shaldyqqan 1952 jylǵy áielmen úi oshaǵynda jaqyn bailanysta bolǵan.
«Onyń ishinde 2017 jyly týǵan bala bar. Qalǵan eki naýqas - 1988 jylǵy áiel jáne 1989 jylǵy er adam. Qazirgi ýaqytta olar infektsiialyq statsionarǵa oqshaýlanyp, tiisti em qabyldaýda. Jaǵdailary ortasha. Naýqastar oblystan tys jerlerge, basqa elderge shyqpaǵan. Qazirde bailanysta bolǵan azamattardy anyqtaý jáne oqshaýlaý boiynsha epidemiologiialyq tekserý júrgizilýde», - dep habarlady ákimdikten. ⠀
Aita keteiik, jalpy ShQO boiynsha koronavirýs juqtyrýdyń 20 faktisi tirkelgen.
