Semeide kólikke qystyrylyp qalǵan eki adam qutqaryldy, dep habarlaidy QazAqparat.
ShQO Tótenshe jaǵdailar departamenti baspasóz qyzmetiniń málimetine súiensek, jol-kólik oqiǵasy 20 qańtarda túngi saǵat 01.00 shamasynda Semeidegi Sátbaev kóshesinde bolǵan.
Nissan Almera markaly avtokólikti tizgindegen júrgizýshi rýlge ie bola almai qaldy. Sonyń saldarynan kólik jyraǵa qulap, aýdarylyp túsken.
«Jedel járdem qyzmetkerleri qutqarýshylarǵa habarlasyp, kólikte qystyrylyp qalǵan eki adamdy shyǵaryp berýlerin surady. Oqiǵa ornyna shuǵyl jetken TJD qyzmetkerleri apattyq-qutqarý quraldarynyń kómegi arqyly barynsha saqtyqpen avtokólikti kóterdi. Sodan soń zardap shegýshilerdi aman-esen shyǵaryp, dárigerlerge tapsyrdy», - dep habarlady vedomstvo ókilderi.
