سەمەيدە كٶلٸككە قىستىرىلىپ قالعان ەكٸ ادام قۇتقارىلدى, دەپ حابارلايدى قازاقپارات.
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, جول-كٶلٸك وقيعاسى 20 قاڭتاردا تٷنگٸ ساعات 01.00 شاماسىندا سەمەيدەگٸ سەتباەۆ كٶشەسٸندە بولعان.
Nissan Almera ماركالى اۆتوكٶلٸكتٸ تٸزگٸندەگەن جٷرگٸزۋشٸ رۋلگە يە بولا الماي قالدى. سونىڭ سالدارىنان كٶلٸك جىراعا قۇلاپ, اۋدارىلىپ تٷسكەن.
«جەدەل جەردەم قىزمەتكەرلەرٸ قۇتقارۋشىلارعا حابارلاسىپ, كٶلٸكتە قىستىرىلىپ قالعان ەكٸ ادامدى شىعارىپ بەرۋلەرٸن سۇرادى. وقيعا ورنىنا شۇعىل جەتكەن تجد قىزمەتكەرلەرٸ اپاتتىق-قۇتقارۋ قۇرالدارىنىڭ كٶمەگٸ ارقىلى بارىنشا ساقتىقپەن اۆتوكٶلٸكتٸ كٶتەردٸ. سودان سوڭ زارداپ شەگۋشٸلەردٸ امان-ەسەن شىعارىپ, دەرٸگەرلەرگە تاپسىردى», - دەپ حابارلادى ۆەدومستۆو ٶكٸلدەرٸ.
