تانىمال اكتەر تەۋەكەل مٷسٸلٸم وتباسىنداعى قارىم-قاتىناس, بالا تەربيەسٸ جەنە اتا-انانىڭ ەرلٸ-زايىپتىلار ٶمٸرٸنە ارالاسۋى تۋرالى پٸكٸر بٸلدٸردٸ, دەپ حابارلايدى ult.kz.

ٶنەر يەسٸ سۇحبات بارىسىندا ەر وتباسىنىڭ ٶز شەكاراسى بولۋى كەرەكتٸگٸن ايتتى. ونىڭ پٸكٸرٸنشە, اتا-انا بالالارىنا اقىل-كەڭەس بەرگەنٸمەن, ولاردىڭ جەكە ٶمٸرٸنە جەنە بالا تەربيەسٸنە قاتىستى شەشٸمدەرٸنە ارالاسپاعانى جٶن.

اكتەر بۇل ۇستانىمىن ٶز وتباسىندا دا ساقتاۋعا تىرىساتىنىن جەتكٸزدٸ. ايتۋىنشا, كەيدە اناسى نەمەرەلەرٸنٸڭ تىم ەركە بولىپ ٶسٸپ جاتقانىن ايتىپ, ەسكەرتۋ جاسايدى. الايدا تەۋەكەل مٷسٸلٸم قازٸرگٸ بالالاردى بۇرىنعى ەدٸسپەن تەربيەلەۋ دۇرىس ەمەس دەپ ەسەپتەيدٸ.

“مەن اناما ٷنەمٸ جۇمساق جەتكٸزۋگە تىرىسامىن. انام بالالارىمنىڭ تەربيەسٸنە ارالاسىپ: “ٶتە ەركە, كٶپ ويىنشىق الىپ بەرەسٸڭ, تىم ەركەلەتٸپ جٸبەرگەنسٸڭ” دەپ ايتىپ قالادى. وندايدا: “ماما, سەندەردٸڭ كەزٸڭدەگٸ تەربيە قازٸر جٷرمەيدٸ” دەيمٸن”, – دەدٸ اكتەر.

سونىمەن قاتار ٶنەر يەسٸ بولاشاقتا ٶز بالالارى وتباسىن قۇرعان كەزدە ولاردىڭ جەكە ٶمٸرٸنە ارالاسپاۋعا نيەتتٸ ەكەنٸن ايتتى. بۇل مەسەلەنٸ جۇبايىمەن دە الدىن الا تالقىلايتىنىن جاسىرمادى.

“قازٸردٸڭ ٶزٸندە ەيەلٸمە دە: “ەرتەڭ ۇلدارىمىز ەرجەتٸپ ٷيلەنەدٸ, ەرقايسىسىنىڭ ٶز وتباسى بولادى. سول كەزدە ارالاسپايىقشى” دەپ ەسكەرتٸپ وتىرامىن”, – دەپ بٶلٸستٸ تەۋەكەل مٷسٸلٸم.

ايتا كەتەيٸك, تەۋەكەل مٷسٸلٸم جانار دۇعالوۆامەن قانداي بايلانىسى بارىن ايتتى.  

تەۋەكەل مٷسٸلٸم كٸم?

تەۋەكەل مٷسٸلٸم – قازاقستاندىق تانىمال اكتەر, تەلەجٷرگٸزۋشٸ جەنە مودەل. ول 1988 جىلى 9 جەلتوقساندا الماتى قالاسىندا دٷنيەگە كەلگەن. بولاشاق اكتەر الماتىداعى №140 مەكتەپ-گيمنازيياسىندا بٸلٸم العان. كەيٸن قانىش سەتباەۆ اتىنداعى قازاق ۇلتتىق تەحنيكالىق ۋنيۆەرسيتەتٸن ماشينا جاساۋ ماماندىعى بويىنشا تەمامداعان. نەگٸزگٸ ماماندىعى ينجەنەر-مەحانيك بولعانىمەن, ەڭبەك جولىن ٶنەر سالاسىمەن بايلانىستىردى.

تەۋەكەل مٷسٸلٸم شىعارماشىلىق جولىن مودەلدٸك بيزنەستەن باستاعان. كەيٸن جارنامالىق روليكتەر مەن مۋزىكالىق بەينەباياندارعا تٷسٸپ, كٶپشٸلٸككە تانىلا باستادى. اكتەر رەتٸندە تانىلۋىنا 2014 جىلى جارىق كٶرگەن “ماحابباتىم جٷرەگٸمدە” تەلەحيكاياسى ىقپال ەتتٸ. بۇل جوبادا ول باستى رٶلدەردٸڭ بٸرٸن سومدادى. كەيٸن “اعا ما, ەلدە نەكە مە?”, “انامدى ٸزدەيمٸن”, “قازاق ارۋى”, “سۆادبا.kz” جەنە “ماشا مەن دۋداراي” سەكٸلدٸ فيلمدەرگە تٷستٸ. سونىمەن قاتار “حابار” تەلەارناسىنداعى “جاڭا كٷن” باعدارلاماسىنىڭ جٷرگٸزۋشٸسٸ رەتٸندە دە ەڭبەك ەتتٸ.

ٶنەر يەسٸ شىعارماشىلىق قىزمەتٸمەن قاتار وتباسىلىق ٶمٸرٸ تۋرالى دا سۇحباتتار بەرٸپ تۇرادى. ول بالا تەربيەسٸ, اتا-انا مەن بالانىڭ قارىم-قاتىناسى جەنە وتباسىنداعى جاۋاپكەرشٸلٸك مەسەلەلەرٸنە قاتىستى كٶزقاراسىن كٶپشٸلٸكپەن بٶلٸسٸپ كەلەدٸ.