Semei qalasynda qaita jańartylyp jatqan jylytý qazandyqtarynyń qýaty artpaq, dep habarlaidy "Ult aqparat".
Shyǵys Qazaqstan oblysynyń ákimi Danial Ahmetov Semeige jasaǵan jumys saparynda qazandyqtardy jóndeý jáne qaita jańartý jumystarynyń barysymen tanysty.
«Ótken qysta shahar turǵyndary sezingen jaisyzdyqty boldyrmaý úshin osy qazandyqtardyń qýatyn arttyrý baǵytynda jumys istep jatyrmyz. Aldymen 2020-2021 jylytý maýsymynyń barlyq qatelikterin eskerdik. Aqsha aldyn ala bólindi jáne 1 qyrkúiekke qarai barlyq qazandyq jumysqa daiyn bolady», - dedi aimaq basshysy.
«Onyń aitýynsha, ortalyq qazandyqtyń qýaty 200 gigakaloriiaǵa ulǵaitylady. Ortalyq qazandyqtaǵy jabdyqty jóndeý 15 tamyzǵa qarai aiaqtalady. Sondai-aq «RK-3» qazandyǵyna erekshe nazar aýdarylady. Óitkeni ol Qaraǵaily jańa shaǵyn aýdanyn jylýmen qamtamasyz etedi. Jańadan salynyp jatqan obektilerge jetý úshin onyń qýatyn arttyrý qajet», - dedi Danial Ahmetov.
Jalpy, qazandyqtardy aýqymdy qaita jańartý nátijesinde ótken jylǵy keleńsizdikter bolmaidy dep kútilýde.
