Semei qalasynda qashyqtan oqytý úshin oqýshylarǵa roýter taratylýda, - dep habarlaidy "Ult aqparat".
Semei qalasynyń mektepteri qashyqtan oqytý quralymen tolyq qamtylǵan. Tehnikalyq qurylǵysy joq otbasylar úshin bilim ordalarynyń rezervinen 350 kompiýter men noýtbýk berildi. Sondai-aq bilim bólimi satyp alǵan roýter de taratylyp jatyr.
«Qashyqtan oqý balalardy tártipke úiretedi. Úi tapsyrmasyn oryndaǵan kezde ata-analarǵa balanyń qasynda otyrýdyń qajeti joq. Tek tapsyrmalardy portalǵa júkteýge ǵana kómektesken jón. Al úi tapsyrmasyn bala ózi jasaý kerek. Eger qandai da bir suraq týyndasa, muǵalimderge habarlasýǵa bolady. Sabaq kestesi bekitilmegendikten ol tapsyrmany qashan oryndaitynyn ózi sheshedi», - dep túsindirdi qalalyq bilim bóliminiń basshysy Nataliia Fesenko.
Sondai-aq osy jyly oqýshylar tórtinshi toqsannan keiin kelesi synypqa ótý úshin emtihan tapsyrmaidy. Olardyń úlgerimi jyldyq baǵa boiynsha qorytyndylanbaq.
