سەمەي قالاسىندا قاشىقتان وقىتۋ ٷشٸن وقۋشىلارعا روۋتەر تاراتىلۋدا, - دەپ حابارلايدى "ۇلت اقپارات".
سەمەي قالاسىنىڭ مەكتەپتەرٸ قاشىقتان وقىتۋ قۇرالىمەن تولىق قامتىلعان. تەحنيكالىق قۇرىلعىسى جوق وتباسىلار ٷشٸن بٸلٸم وردالارىنىڭ رەزەرۆٸنەن 350 كومپيۋتەر مەن نوۋتبۋك بەرٸلدٸ. سونداي-اق بٸلٸم بٶلٸمٸ ساتىپ العان روۋتەر دە تاراتىلىپ جاتىر.
«قاشىقتان وقۋ بالالاردى تەرتٸپكە ٷيرەتەدٸ. ٷي تاپسىرماسىن ورىنداعان كەزدە اتا-انالارعا بالانىڭ قاسىندا وتىرۋدىڭ قاجەتٸ جوق. تەك تاپسىرمالاردى پورتالعا جٷكتەۋگە عانا كٶمەكتەسكەن جٶن. ال ٷي تاپسىرماسىن بالا ٶزٸ جاساۋ كەرەك. ەگەر قانداي دا بٸر سۇراق تۋىنداسا, مۇعالٸمدەرگە حابارلاسۋعا بولادى. ساباق كەستەسٸ بەكٸتٸلمەگەندٸكتەن ول تاپسىرمانى قاشان ورىندايتىنىن ٶزٸ شەشەدٸ», - دەپ تٷسٸندٸردٸ قالالىق بٸلٸم بٶلٸمٸنٸڭ باسشىسى ناتالييا فەسەنكو.
سونداي-اق وسى جىلى وقۋشىلار تٶرتٸنشٸ توقساننان كەيٸن كەلەسٸ سىنىپقا ٶتۋ ٷشٸن ەمتيحان تاپسىرمايدى. ولاردىڭ ٷلگەرٸمٸ جىلدىق باعا بويىنشا قورىتىندىلانباق.
