Semei qalasynda byltyr kúzde joǵalyp ketken qyzdyń denesi Ertis ózeninen tabyldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, 17 jastaǵy qyz osydan 5 ai buryn joǵalyp ketken.
Politsiiaǵa habarlasqan Semei qalasynyń turǵyny dalaǵa serýendep kelý úshin shyqqan balasynyń sol kúii habar-osharsyz ekendigin jetkizgen edi. Ony izdeýge politsiia qyzmetkerleri, áskeriler men eriktiler jumyldyrylǵan.
«Keiin anyqtalǵandai, qyzdy 19 jastaǵy jigiti óltirip, máiitti Ertis ózenine laqtyryp jibergen. Er adam óz kinásin moiyndady. Osydan soń Mirnyi kentiniń mańyndaǵy ózen boiynda marqumnyń denesin izdestirý jumystary júrgizildi», - delingen aqparatta.
Qazirgi ýaqytta qyzdyń denesi tabyldy. QR QK-niń 99-baby (Adam óltirý) boiynsha sotqa deiingi tergeý amaldary jalǵasýda. Kúdikti qamaýǵa alynǵan.
