سەمەي قالاسىندا بىلتىر كٷزدە جوعالىپ كەتكەن قىزدىڭ دەنەسٸ ەرتٸس ٶزەنٸنەن تابىلدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 17 جاستاعى قىز وسىدان 5 اي بۇرىن جوعالىپ كەتكەن.
پوليتسيياعا حابارلاسقان سەمەي قالاسىنىڭ تۇرعىنى دالاعا سەرۋەندەپ كەلۋ ٷشٸن شىققان بالاسىنىڭ سول كٷيٸ حابار-وشارسىز ەكەندٸگٸن جەتكٸزگەن ەدٸ. ونى ٸزدەۋگە پوليتسييا قىزمەتكەرلەرٸ, ەسكەريلەر مەن ەرٸكتٸلەر جۇمىلدىرىلعان.
«كەيٸن انىقتالعانداي, قىزدى 19 جاستاعى جٸگٸتٸ ٶلتٸرٸپ, مەيٸتتٸ ەرتٸس ٶزەنٸنە لاقتىرىپ جٸبەرگەن. ەر ادام ٶز كٸنەسٸن مويىندادى. وسىدان سوڭ ميرنىي كەنتٸنٸڭ ماڭىنداعى ٶزەن بويىندا مارقۇمنىڭ دەنەسٸن ٸزدەستٸرۋ جۇمىستارى جٷرگٸزٸلدٸ», - دەلٸنگەن اقپاراتتا.
قازٸرگٸ ۋاقىتتا قىزدىڭ دەنەسٸ تابىلدى. قر قك-نٸڭ 99-بابى (ادام ٶلتٸرۋ) بويىنشا سوتقا دەيٸنگٸ تەرگەۋ امالدارى جالعاسۋدا. كٷدٸكتٸ قاماۋعا الىنعان.
